Замонавий ҳаётимизнинг ажралмас қисми бўлиб қолган ижтимоий тармоқлардан айрим машҳурлар атайлаб фойдаланмайди. Кимдир танқиддан, кимдир эса виртуал хавфлардан чўчийди. Қуйида Голливуд юлдузларининг бу борадаги қарашлари ҳақида ҳикоя қиламиз.
Скарлетт Йоҳанссон: танқидга чидай олмайди
Актриса Скарлетт Йоҳанссон ижтимоий тармоқларда саҳифа очишни умуман истамайди. Яқинда суратга олинган “Юра даври дунёси: Уйғониш” фильми рекламасини юритиш учун продюсерлар ундан шахсий аккаунт очишни сўрашди, бироқ у таклифни қатъиян рад этди:
“Менинг иш фаолиятим ҳақиқатга асосланган. Бу карьерамнинг асосидир. Агар мен ижтимоий тармоқларни яхши кўрадиган инсон бўлганимда, албатта рози бўлардим. Лекин мен бундай эмасман. Фильм муваффақияти эса ўз йўлига”, дейди актриса.
Ёҳанссон илгари ҳам ижтимоий тармоқларда кўринишга ҳаракат қилган, бироқ бу уриниш бир ҳафтага ҳам бормаган. Актрисанинг айтишича, бунга унинг танқидга бардош беролмаслиги сабаб бўлган:
“Менинг ўзимга бўлган ишончим жуда паст, асабларим эса анча таранг. Бундай танқидларни кўтара олмайман, қолаверса, ҳаётимда етарлича ташвишларим бор”, дейди Ёҳҳансон.
Меган Маркл: қироллик оиласи томонидан тақиқланган
Меган Маркл шаҳзода Гарри билан турмуш қурмасдан аввал ҳам машҳур эди. У фильмларда суратга тушган, Тҳе Тиг тахаллуси остида блог юритган, у ерда машҳур шахслар билан интервьюлар, ресторанларга таърифлар, гўзаллик бўйича тавсиялар улашган.
Аммо қироллик аъзоси бўлиш эвазига Меган блогини ҳам, актрисалик фаолиятини ҳам тўхтатган. Гарчи яқинда Instagram’да шахсий саҳифа очган бўлса-да, олдингидек очиқчасига ҳаёти билан бўлишишга рухсат йўқ.
Тейлор Свифт: Пиар учун ижтимоий тармоқдаги саҳифаларни ўчирган
Хонанда Тейлор Свифт пиар борасида ўзига хос истеъдод эгаси. Унинг қўшиқлари кўп йиллардан бери мусиқий чартларда етакчи, концерт чипталари эса дақиқаларда сотилади. Кўпчилик хонандалари янги альбом арафасида ижтимоий тармоқларда фаоллашса, Свифт бир сафар аксинча йўл тутди.
2017 йилда у барча ижтимоий тармоқлардан ғойиб бўлди ва суратларни ўчириб ташлади. Орадан бир неча кун ўтиб, аккаунтида фақат илон тасвирланган учта пост пайдо бўлди. Шундагина мухлислар буни “Reputation” альбоми учун реклама кампанияси бўлганини тушунди.
Сандра Буллок: интернетга ишонмайди
1995 йилда актриса Сандра Буллок “Тармоқ” (The Net) номли фильмда хакерлар ҳақида рол ижро этгач, ижтимоий тармоқлардан узоқроқ ҳаёт кечира бошлаган:
“Мен ушбу фильмдан кўп нарсани ўргандим”, дейди актриса. Шунингдек, у мобил иловаларнинг ички тизимларини яхши тушуна олмаслигини ва смартфонлардан фойдаланиш масаласида “дангаса” эканини айтган.
Бироқ фирибгарлар унинг ижтимоий тармоқларда йўқлигидан доим фойдаланади. Сандранинг синглиси Жезин сўзларига кўра, унга кунига бир неча марта сохта аккаунтлардан Сандра билан муносабатда эканликларига ишонган эркакларнинг хабарларига дуч келган. Шунинг учун актриса барча мухлисларини огоҳлантириб, у ижтимоий тармоқларда йўқлигини ва яқин орада ҳам бўлмаслигини айтган.
Изоҳ (0)