Жазирама кунлар ҳам бошланди. Бу эса ўтган қиш-баҳор даврида намойиш этилган корейс кинематографиясининг энг қизиқарли лойиҳаларини эслаб ўтиш учун ажойиб имкониятдир. Олдинда сизни 2025 йилнинг биринчи ярмидаги энг сара дорамалар кутмоқда.
“Ҳаёт сенга мандарин берса”
- Жанр: драма, тарихий, романтик.
- Қисмлар сони: 16 та.
- Бош ролларда: Аю (Ли Жи-ин), Пак По-гом, Мун Со-ри ва бошқалар.
Сеиалда болалигиданоқ исёнкор табиатга, китобларга муҳаббатга ва шоира бўлиш орзусига эга бўлган Чежу оролидаги Э Сун исмли камбағал қизнинг ҳамда доимо унинг ёнида бўлиб, қўллаб-қувватлаб келган Кван Сик исмли камгап, меҳнаткаш йигитнинг севгиси ҳикоя қилинади.
“Травматология маркази”
- Жанр: драма, тиббиёт.
- Қисмлар сони: 8.
- Бош ролларда: Чу Жи-ҳун, Чу Ёнг-у, Ҳа Ёнг ва бошқалар.
Сеулда оғир жароҳатли беморлар сони тобора кўпаймоқда, чунки кўплаб шифохоналар уларни қабул қилишдан бош тортмоқда. Жанубий Корея соғлиқни сақлаш вазири бундай инқироз ўзининг келажакдаги сиёсий режаларига салбий таъсир кўрсатиши мумкинлигини англаб, турли ҳудудларда ишлаган ва ҳозирда Сеулдаги шифохоналардан бирининг травматология бўлимини бошқариши керак бўлган истеъдодли травматолог Пек Кан-ҳёкдан ёрдам сўрайди.
“Заиф қаҳрамон 2”
- Жанр: драма, жангари.
- Сериялар сони: 8.
- Бош ролларда: Пак Чи-хун, Рёун, Чхве Мин-ён ва бошқалар.
Биринчи мавсумдан сўнг, ўрта мактаб ўқувчиси Ён Ши-ин бошқа мактабга ўтади. У дўстлари билан содир бўлган фожиали воқеаларда ўзини айбдор деб билгани учун янги дўстлар орттириш ва жанжалларга аралашишдан ўзини тияди. Бироқ вақт ўтиши билан Ён Ши-ин уч ўқувчи билан дўстлашади: Со Жун-те, Пак Ху-мин ва Го Хён-так. Тез орада улар ўзини “Иттифоқ” деб атовчи катта ва шафқатсиз гуруҳга дуч келади.
“Ўқув гуруҳи”
- Жанр: драма, жангари, комедия.
- Қисмлар сони: 10.
- Бош ролларда: Хван Мин-хён, Хан Жи-ин, Чха У-мин ва бошқалар.
Юн Гамин намунали аълочи ўқувчидек кўринади: доимо мактаб формасида юради, ўқишни яхши кўради, дарс қолдирмайди, ўқитувчиларни диққат билан тинглайди ва барча маълумотларни ёзиб олади. Бироқ билимларни синовдан ўтказишга келганда, у ҳар сафар мактабдаги энг паст натижали ўқувчилардан бирига айланади. Бир куни у тасодифан “Юсун” техника мактабида ўқиш университетга киришга ёрдам бериши мумкинлигини эшитиб қолади. Узоқ ўйлаб ўтирмай, Юн Гамин бу таълим муассасасига ўтади ва тез орада зўравонлик авж олган жойга тушиб қолганини англайди. Ўқувчилар ўқиш ўрнига рейтингларини кўтариш учун муштлашади. Шундай бўлса-да, Юн Гамин чинакамига ўқишни хоҳлаган озчилик ўқувчилардан ўқув гуруҳини тузишга аҳд қилади. Ўз дўстларини мактаб безориларидан ҳимоя қилиш учун эса Гамин ўзининг ажойиб жанг қобилиятларидан фойдаланади.
“Менинг мукаммал котибам”
- Жанр: драма, комедия, романтика.
- Сериялар сони: 12.
- Бош ролларда: Хан Жи-мин, Ли Жун-ҳёк, Ким До-ҳун ва бошқалар.
Кан Жи-юн кадрлар агентлигини бошқаради. Технология компаниясининг муҳим ходимини бошқа фирмага ўтказиш устида ишлаётганда, у менежер Ю Йин-ҳо билан танишиб қолади. Ю Йин-ҳо ходимни ҳозирги компанияда қолишга кўндиради. Бироқ тажрибали мутахассисни олиб қолгани учун мукофот олиш ўрнига, у тез орада ишдан бўшатилади. Ю Йин-ҳо қизига ёлғиз ўзи ғамхўрлик қилиши кераклиги сабабли, янги иш излай бошлайди ва тасодифан Кан Жи-юннинг шахсий котибаси бўлиб ишга киради.
“Тўққиз жумбоқ”
- Жанр: драма, детектив, триллер.
- Сериялар сони: 11.
- Бош ролларда: Ким Да-ми, Сон Сок-ку, Ким Сон-гюн ва бошқалар.
Ўн йил олдин юқори синф ўқувчиси Чо I-на амакисини ўлган ҳолда топади. Тажрибали детектив Ким Хан-сем қизни асосий гумондор деб ҳисоблаб, унинг хотирасини йўқотгани ҳақидаги сўзларига ишонмайди. Бироқ тергов боши берк кўчага кириб, қотиллик очилмай қолади. Ҳозирда Чо I-на таҳлилчи бўлиб ишлайди ва бир куни ғалати жумбоқнинг бир бўлагини топиб, автотўхташ жойида ўлдирилган қизга дуч келади. Янги қотиллик ва ўтмишдаги очилмаган иш билан боғлиқ сирли жумбоқ Чо I-на ҳамда уни ҳамон қотил деб билаётган детектив Ким Хан-семни кучларини бирлаштириш ва бу сирли жиноятларнинг ечимини биргаликда излашга мажбур қилади.
Изоҳ (0)