Саида Мирзиёева бугун Россия президенти администрацияси раҳбарининг биринчи ўринбосари Алексей Громов билан ҳам учрашди.
Асосий эътибор ахборот соҳасидаги ҳамкорлик масалаларига қаратилган. Медиа маконнинг тез суръатлар билан ўзгариши шароитида холисона ва барқарор ахборот муҳитини шакллантириш алоҳида аҳамият касб этмоқда. Рақамли маконни тартибга солиш, фейкларга қарши курашиш, масъулиятли журналистика стандартларини илгари суриш, шунингдек, киберхавфсизлик соҳасидаги қўшма қадамлар муҳокама қилинди.
Тошкентда амалий маслаҳатлашувлар ўтказишга тайёрлик тасдиқланди. Суҳбат давомида меҳнат миграцияси ва маданий дипломатияни ёритиш масаласи ҳам кўриб чиқилди. Ахборот кун тартибида ушбу масалаларга вазмин ёндашув муҳимлиги, шунингдек, Ўзбекистон ва Россия халқлари ўртасида ўзаро англашув ва ишончни мустаҳкамлаш воситаси сифатида қўшма гуманитар ташаббусларни ривожлантириш зарурлиги таъкидланди.
Саида Мирзиёева Москва шаҳрида Россия Федерацияси президенти администрацияси раҳбарининг биринчи ўринбосари Сергей Кириенко билан учрашувда Ўзбекистон-Россия ҳамкорлигининг асосий йўналишларини муҳокама этган эди.
Изоҳ (0)