S&P Global Ratings халқаро агентлиги Ўзбекистоннинг суверен кредит рейтинги прогнозини “барқарор” даражадан “ижобий” даражага яхшилади. Бу ҳақда Саида Мирзиёева маълум қилди.
Президент ёрдамчиси бундай баҳо жаҳон молия ҳамжамиятининг Ўзбекистонда президент раҳбарлигида олиб борилаётган ислоҳотларга бўлган ишончи ортиб бораётганидан далолат бериши ҳамда танланган йўл тўғрилигини кўрсатишини таъкидлади.
“Давлатимиз раҳбарининг саъй-ҳаракатлари туфайли мамлакатимиз хорижий инвесторлар учун янада жозибадор бўлди, бу эса иқтисодий ўсишга хизмат қилмоқда ва фуқаролар ҳаёт сифати яхшиланишига бевосита таъсир кўрсатмоқда.
Мамлакатимизнинг суверен кредит рейтингини ошириш бўйича ишчи гуруҳ раҳбари сифатида мен ҳар қандай натижани нафақат сақлаб қолиш, балки янада яхшилаш зарур эканини чуқур ҳис қиламан. Шу маънода, барча манфаатдор томонларнинг ҳамкорлиги ва комплекс ёндашувини талаб қиладиган катта ишлар ҳали олдинда”, дейди Саида Мирзиёева.
Жаҳон банки “Глобал иқтисодий истиқболлар” ҳисоботини эълон қилган эди. Ҳисоботда Европа ва Марказий Осиё учун тенденциялар, прогнозлар ва хавфлар таҳлил қилинади.
Прогнозларга кўра, Ўзбекистон ялпи ички маҳсулоти ўсиши 2024 йил охирида 6 фоизни ташкил этди.
Келгуси йиллар учун прогноз
Жаҳон банки прогнозида маълум қилинишича, Ўзбекистон иқтисодиёти 2025 йили 5,8 фоиз, 2026 йили эса 5,9 фоиз ўсади. Таъкидлаш лозим, бу — Европа ва Марказий Осиё минтақасидаги давлатлар орасида энг юқори кўрсаткичлардан бири ҳисобланади.
2024 йилнинг октябрь ойида ҳам Ўзбекистон иқтисодиёти 2025 ва 2026 йилларда мос равишда 5,8-5,9 фоиз ўсиши ҳақида маълум қилинганди.
Изоҳ (0)