Қамчиқ довонида йўл четидаги хандақ (кювет)га тушиб кетган MAN юк машинасига ёрдам кўрсатилди. ФВВ матбуот хизматининг хабар беришича, воқеа Тошкент—Ўш автомобиль йўлининг 234 километрида юз берган.
Водий—Тошкент йўналишида ҳаракатланган MAN юк машинаси довон ҳудудида ҳаракатланиш қоидаларига амал қилмагани оқибатида йўл четидаги хандаққа тушиб кетган.
Ҳолат юзасидан Қамчиқ довонидаги Фавқулодда вазиятларда уларнинг олдини олиш ва ҳаракат қилиш давлат қуйи тизими хизматларидан жами 24 нафар ходим ҳамда 5 та махсус техника жалб этилган.
Воқеа жойига етиб борган авария-қутқарув махсус техникаси ёрдамида қутқарувчилар томонидан юк машинаси хавфсиз ҳудудга эвакуация қилинган.
Аввалроқ Қамчиқ довонида ағдарилган юк машинаси ҳайдовчисининг ҳаёти сақлаб қолинган эди.
Изоҳ (0)