“Пари Сен-Жермен” клуби янги мавсум олдидан жамоанинг ярим ҳимоя чизиғини кучайтириш мақсадида “Челси”нинг аргентиналик футболчиси Энцо Фернандешга қизиқиш билдирмоқда. Бу ҳақда Fichajes нашри хабар бермоқда.
Манбага кўра, “ПСЖ” Фернандеш учун 150 миллион евролик таклиф тайёрлаган. Шундан 125 миллиони — асосий тўлов, қолган 25 миллиони эса бонус кўринишида тақдим этилади. Клубга яқин манбалар бу сумма “Челси”ни қаноатлантириши мумкинлигини билдирмоқда. Агар барчаси муваффақиятли якунланса, Фернандеш фаолиятини Франция чемпионатида давом эттириш эҳтимоли бор.
Парижликлар устози Луис Энрикенинг шахсан ўзи Энцо Фернандеш трансферини амалга оширмоқчи. У аргентиналик ярим ҳимоячини Фабиан Руиснинг ўрнини тўлдира оладиган футболчи сифатида кўрмоқда. Чунки Руиснинг ёзги трансфер ойнасида жамоани тарк этиши кутилмоқда.
Аввалроқ Энцога Мадриднинг “Реал” клуби жиддий қизиқиш билдираётгани ҳақида хабарлар тарқалган эди. Маълумотларга кўра, “қироллик клуби” футболчини кейинги мавсум олдидан қўлга киритишга ҳаракат қилиб кўради.
- Энцо Фернандеш ўтган мавсумда “Челси” сафида жами 53 та ўйинда майдонга тушиб, 9 та гол ва 17 та ассист муаллифи бўлган.
- Унинг клуб билан амалдаги шартномаси 2032 йил ёзигача мўлжалланган.
- Transfermarkt портали футболчининг трансфер нархини 75 миллион еврога баҳоламоқда.
Изоҳ (0)