Мисрда бўлиш қоидаларини бузгани сабабли 5 нафар ўзбекистонлик ушлаб турилгани аниқланди, деб хабар бермоқда Ўзбекистоннинг Мисрдаги элчихонаси.
Қайд этилишича, сўнгги кунларда Миср Араб Республикасида бўлиб турган хорижий фуқароларга, хусусан, таълим олиш мақсадида келган шахсларга нисбатан маҳаллий ҳуқуқни муҳофаза қилувчи органлар томонидан мамлакатда бўлиш қоидаларига риоя этилиши юзасидан фаол текширув тадбирлари олиб борилмоқда.
Ўзбекистоннинг Мисрдаги элчихонаси вакиллари томонидан Қоҳира шаҳрининг Наср Cитй ҳудудида жойлашган масъул полиция бўлимларига қўшимча ташрифлар ва мулоқотлар амалга оширилди. 13 май ҳолатига кўра, бошқа хорижий фуқаролар қатори, 5 нафар Ўзбекистон фуқароси ҳам Мисрда бўлиш қоидаларини бузгани сабабли ушлаб турилгани маълум қилинди.
Шунингдек, 1 нафар фуқаронинг тегишли ҳужжатлари тақдим этилгач, вақтинчалик сақлаш марказидан озод этилди. Қолган фуқаролар ҳолати бўйича эса маҳаллий қонунчилик доирасида белгиланган тартибда ҳуқуқий баҳо берилиши ва қарор қабул қилиниши кутилмоқда.
Элчихона томонидан Миср ҳудудида бўлиб турган фуқароларга тезкор ҳуқуқий ёрдам кўрсатиш мақсадида, бундай текширув тадбирлари давомида ушлаб турилган шахслар ҳақида дарҳол элчихонага хабар бериш тавсия этилди.
Алоқа маълумотлари:
+20233364516, +20233361723
Telegram: @shtabegypt
Шу муносабат билан ватандошлардан Мисрда бўлиш қоидаларига қатъий риоя қилиш, мамлакатда ҳаракатланиш давомида шахсни тасдиқловчи ҳужжатлар, яшаш учун рухсатнома (иқома) ёки талабалик гувоҳномасини (университет, институт ва ҳ.к.) доимо ўзлари билан олиб юриш сўралди.
Ўзбекистоннинг халқаро шартномаларига мувофиқ реадмиссия қилинган фуқароларга 2 йил давомида хорижга чиқиш биометрик паспортини бериш бўйича давлат хизмати кўрсатилмайди. Миграция агентлигининг хабар қилишича, бу ҳақда 13 май куни “Меҳнат миграцияси жараёнларини такомиллаштириш бўйича қўшимча чора-тадбирлар тўғрисида”ги ҳукумат қарорида белгиланди.
Шунингдек, ташкиллаштирилган тарзда чет элга ишга юбориш бўйича хизмат кўрсатиш тўғрисидаги шартномада шартнома шартлари бажарилмагани учун жарима ва учинчи шахслар кафиллиги белгиланади.
Изоҳ (0)