Россияда хизмат кўрсатган артист, Россия Кинематографистлар уюшмасининг аъзоси, таниқли актриса Нина Гребешкова 95 ёшида вафот этди. Бу ҳақда Россия Кинематографистлар уюшмаси матбуот хизмати хабар берди.
Хабарда айтилишича, режиссёр Леонид Гайдайнинг беваси 10 май куни вафот этган. Ўлим сабаби номаълум. “Ажойиб актриса, меҳрибон инсон Нина Павловна Гребешкованинг ёрқин хотирасига бағишланади”, дейилган таъзияномада.
Гребешкованинг ижодий биографиясида 130 га яқин кинороллар бор: “Кавказ асираси” фильмидаги руҳий касалликлар шифохонаси шифокори, “Бриллиант қўл” фильмидаги Горбунковнинг рафиқаси Надежда, “12 та стул” фильмидаги қиролича Тамара ва бошқалар шулар жумласидандир.
Изоҳ (0)