Совет иттифоқининг қуйидаги машҳур актёр ва актрисаларини болалигимиздаги эртак-фильмларда севиб томоша қилганмиз. Аммо улар бошқа жанрлардаги кўплаб фильмларда ҳам маҳорат билан рол ўйнашган.
Инна Чурикова
Чурикова жуда кўп фильмларда ўйнаган. Томошабинлар севиб томоша қилган фильмлар — “Яна ўша Мюнхаузен”, “Аёз бобо”, “Курьер” шулар жумласидан. “Муқаддима” фильмида юлдуз иккита ролни ижро этади: Паша Строганова ва Жанна Д’Арк.
Елена Санаева
Санаева киноактёрлар оиласида туғилган. Унинг бутун ҳаёти театр ва кинога боғланади. Мактаб ўқувчилари уни кўпроқ “Буратинонинг саргузаштлари” фильмидаги Алиса лақабли тулки ролида эслашади. Ушбу лойиҳада иштирок этгандан сўнг, Елена жиддий қаҳрамонлар ролларини ўйнашга таклиф қилинмайди ва у битта ролнинг “асири”га айланади. Ҳозирда унинг 50 дан ортиқ фильмлари бор.
Либуше Шафранкова
Либуше ўзининг Золушка образидаги афсонавий ролидан кейин ҳамманинг севимлисига айланади. Ушбу фильм қизга нафақат она юртида, балки хорижда ҳам шуҳрат келтиради. Фаолияти давомида актриса кўп марта эртакларда ўйнаган, аммо унинг фильмографиясида бошқа жанрдаги фильмлар ҳам мавжуд.
Наталя Попова
Кўпчилик Наталяни “Ўн икки ой” эртагидаги нозик ва меҳрибон ўгай қиз роли орқали эслайди. Айнан шу роли томошабинларнинг меҳрини қозонади.
Бундан ташқари, “Доктор чақиртирганмидингиз?” фильмида у асосий рол — терапевт Катя Лузинани ўйнайди. Унинг қаҳрамони коллежни яқинда тугатган ва биринчи марта касалхонада ишлашга келган. Аммо қизнинг одамларга бўлган меҳри ва қатъияти барча қийинчиликларни енгишига ёрдам беради. Актрисанинг сўнгги роли “Кўча” телесериалидаги Галя хола эди.
Юрий Сенкевич
Юрий “Сув париси”даги шаҳзода сифатида кўплаб қизларнинг қалбини забт этишга муваффақ бўлади. Аммо бундай истиқболли фильм дебютига қарамай, актёр кўп роллари билан мақтанолмайди. Шунга қарамай, унинг барча қаҳрамонлари ранг-баранг ва эсда қоларли эди.
Актёр “Олис йўл” фильмида учувчи, “Сизга телеграмма...” фильмида полициячи Антон ролини ўйнаган.
Евгения Симонова
“Оддий мўжиза” эртагидаги малика роли Евгения Симонова учун кино оламига ҳақиқий трамплин бўлади. Ушбу фильмдан сўнг қиз том маънода турли лойиҳаларда иштирок этиш таклифларига “кўмилади”. Йиллар давомида юлдуз ўзини кўплаб ролларда синаб кўришга муваффақ бўлади. Евгения Симонованинг унутилмас ролларидан яна бири “Ғаройиб бола” фильмидаги инглиз тили ўқитувчиси — Валентина Николаевна роли билан ҳам кўпчиликнинг ёдида қолган.
Изоҳ (0)