Мелинда Френч-Гейтснинг хотиралар китобида миллиардер Билл Гейтс билан ажрашишнинг ҳақиқий сабаби ҳақида сўз боради. Бу ҳақда Sunday Times нашри ёзмоқда.
Френч-Гейтснинг сўзларига кўра, охирги томчи New York Times газетасида чоп этилган мақола бўлган. Унда Билл Гейтс ва вояга етмаган қизларни жинсий эксплуатация қилиш билан шуғулланадиган, жиноятчилик тармоғини яратишда айбланган молиячи Жефри Эпштейн ўртасидаги алоқалар ҳақида сўз борган.
“Мақола Биллнинг хатти-ҳаракатлари ҳақида жиддий саволларни туғдирди — бу саволлар бизнинг никоҳимизга эмас, балки бизнинг оилавий принципларимизга ҳам хиёнат қилганлигини кўрсатди”, деб ёзади у китобида.
Sunday Times билан суҳбатда Гейтснинг собиқ рафиқаси ажрашиш хато бўлмаганлигини тасдиқлади. “Бу зарур эди”, — деб ҳисоблайди у. — Агар одам ҳатто энг яқин муносабатларда ҳам ўз принципларига амал қила олмаса, ажрашиш зарур.
Яқинда Тhе Times нашрига берган интервьюсида Гейтс ажрашишни ўзининг энг муҳим муваффақиятсизликлари рўйхатида биринчи ўринга қўйганини айтди. Френч-Гейтс бу сўзларга изоҳ беришдан бош тортди.
“Унинг энди ўз ҳаёти бор, менинг ҳам”, — деб тушунтирди у. — Ва мен жуда бахтлиман”. Илгари Мелинда Билл Гейтс билан ажримини ўз ҳаётидаги энг муҳим нарсалардан бири деб атаган эди. “Ажрашганимда, ёлғиз яшай олишни билардим”, — деди у. – Ва энг муҳими ҳам шу”.
Изоҳ (0)