Март ойида Осиёнинг энг бой одами — Мукеш Амбани кичик ўғли 28 ёшли Анант Амбани ва унинг 29 ёшли қаллиғи Радҳика Мерчантнинг 3 кунлик тўёлди базмини нишонлади. Меҳмонлар орасида Билл Гейтс, Марк Цукерберг, Ҳиллари Клинтон, Иванка Трамп ҳам бор эди. Эртага, 12 июль куни асосий тўй маросими бўлиб ўтади, бу турли ҳисоб-китобларга кўра, оилага 113 миллион долларга тушмоқда.
Дунёдаги энг катта хусусий уй
Амбани оиласининг 27 қаватли уйи Мумбайда жойлашган бўлиб, бу хусусий мажмуа “Антилия” деб номланади. Айтиш жоизки, уй қимматлиги бўйича дунёда иккинчи ўринда туради. Унинг баландлиги 173 метр, майдони эса 37 минг квадрат метрга яқин. Таққослаш учун, Римдаги Колизей 24 минг квадрат метрни, Афина Акрополи эса 30 минг квадрат метрни эгаллайди — мазкур уйнинг ўрнида учта Эйфель минораси жойлашиши мумкин.
Турли манбаларда айтилишича, 168 та машина сиғдира оладиган автотураргоҳ учун бинодан 6 қават ажратилган. Охирги маълумотларга кўра, бу хусусий осмонўпар бинога 600 га яқин доимий ходимлар хизмат кўрсатади.
Спа, сузиш ҳавзалари ва вертолёт майдончалари
Уй чикаголик архитекторлар Perkins+Will томонидан лойиҳалаштирилган. Таъкидлаш жоизки, бюро дунёдаги энг йирик объектларни лойиҳалаш билан шуғулланади. Амбанининг хусусий уйларидан бири бўлган бу уй 2006 йилдан 2010 йилгача қурилган.
У Атламоунд-роуд, машҳур Cumballa Hill’да қурилган бўлиб, бу жойларда ер нархи бир квадрат метр учун 10 минг долларгача етиши мумкин.
Ушбу уйнинг хусусиятлари:
- осма боғлар ва тераслар. Уйда уларнинг бир нечтаси бор ва боғларда ўсимликларнинг ноёб ва нафис навлари мавжуд.
- хавфсизлик. Маҳаллий аҳоли ва сайёҳларга уйни видеога олиш ёки суратга олиш тақиқланади. Агар хавфсизлик хизмати камерани пайқаса, улар сиздан барча расмларни ўчириб ташлашингизни сўрайди.
- балет зали
- диний маросимлар учун ибодатхона.
- соғлиқни сақлаш маркази. Хусусий мажмуада шифокорлар ва керакли ходимларга эга тўлиқ жиҳозланган курорт ва соғломлаштириш маркази мавжуд.
- учта вертолёт майдончаси.
- 50 ўринли кинотеатр
- музқаймоқ ейиш учун шахсий кафетерия.
- жазирамадан ҳимоя қилишга мўлжалланган “қорли” хона.
- бино Рихтер шкаласи бўйича 8 балли зилзилага бардош бероладиган қилиб қурилган.
Reliance Industries маълумотларига кўра, бино қурилиши миллиардерларга 50-70 миллион долларга тушган. Бироқ 14 йил ўтиб, унинг қиймати ҳозирда 1-2 миллиард долларга баҳоланиши мумкин — бу эса турар жойни дунёдаги энг қиммат уйга айлантиради.
Уйни сақлаш харажатлари
Оммавий ахборот воситаларида Амбани оиласининг сарф-харажатлари ҳақида тез-тез хабар берилади. Бундан ташқари, миллиардер ходимларига катта миқдорда маош тўлашини таъкидлайди. Унинг шахсий ҳайдовчиси, ошпази ва уй бошқарувчиси ойига тахминан 3000 евро маош олади. Манбаларнинг ёзишича, уйнинг ҳар ойлик харажатлари оила бошлиғига 290 минг долларга тушади.
Амбанининг автомобиллари
ОАВ хабарларига кўра, Амбанилар оилавий автотураргоҳида қимматбаҳо автомобиллар коллекцияси йиғилган. Масалан, Aston Martin Rapide, Bentley Bentayga, BMW 760Li, Mercedes-Maybach S600 Guard, Ferrari 812 Superfast, Lamborghini Urus, Maserati Levante, Rolls-Royce Cullinan каби жаҳон автомобилсозлик саноатининг энг қиммат моделлари шулар жумласидандир. Пуштиранг Rolls-Royce Cullinan Мукешнинг рафиқаси Нита Амбанига тегишли.
Изоҳ (0)