2 миллион долларлик тўй: Билл Гейтснинг тўнғич қизи спортчига турмушга чиқди (фото)

27 йиллик турмушдан кейин ажрашишга қарор қилган Билл ва Мелинда Гейтснинг уч фарзанди бор, уларнинг тўнғичи Женнифер 25 ёшда. 2021 йил январь ойида Женнифер севгилиси – 30 яшар спортчи Найел Нассар билан унаштирилган.

2021 йил 15 октябрь куни матбуотда жуфтликнинг никоҳ тўйи дам олиш кунларига режалаштирилгани ҳақида хабар пайдо бўлди. 2021 йил 16 октябрь куни тўй маросими Нью-Йоркнинг Шимолий Saleм шаҳридаги Гейтс оилавий саройининг боғида бўлиб ўтди, деб хабар беради People портали. У ер байрам муносабати билан гуллар билан безатилди.

Жуфтлик никоҳ маросимига 300 га яқин меҳмонни таклиф қилди. Маълумотларига кўра, улар тўйни икки марта – Найел мисрлик бўлгани учун мусулмон урф-одатлари бўйича жума ва шанба куни стандарт қоидаларга мувофиқ ўтказган. Никоҳ тўйини ўтказиш қиймати, тахминан, 2 миллион долларга баҳоланмоқда.

Маълум бўлишича, Женнифер машҳур дизайнер Вера Вонг яратган тўй либосини кийган. Либос буюртма асосида тайёрланган.Мухлислар байрамда олинган суратларни янги турмуш қурганларнинг шахсий блогида қачон пайдо бўлишини сабрсизлик билан кутишса-да, жуфтликка аталган тилаклар уларнинг тармоқдаги сўнгги пости остида пайдо бўлди. Фолловерлар Женнифер ва Найелга бахт ва узоқ умр кўришларини тиламоқда.

«Нақадар гўзал жуфтлик, сизларга қараб завқланиш мумкин», «Турмуш қурганингизни эшитдим, Найел, сурат қани? Байрамингиз муборак, азизларим », «Жен ва Найел, сизга никоҳда кучли ва мустаҳкам муҳаббат, бахт тилайман» – дея изоҳ қолдирган мухлислар.

Тўйдан бир кун олдин — 15 октябрни Женнифер бутун кунни Нью-Йоркда оиласи билан ўтказди. Онаси Мелинда қизининг муҳим куни учун тайёргарлик кўришга ёрдам берди.

«Женнифер онаси билан жуда яқин. Мелинда бу тўйга худди ўзиникидек тайёргарлик кўраётган эди», – дея порталга маълум қилган оиланинг яқинларидан бири.

Тўйдан бир ой аввал Мелинда Женнифер учун қиз ва аёллар иштирокида зиёфат уюштирди. «Ушбу ажойиб байрам учун раҳмат. Менга ҳаётимнинг янги бобида маслаҳат берадиган, қўллаб-қувватлайдиган ва ҳамроҳ бўлган атрофимдаги барча ажойиб аёлларга чуқур миннатдорлик билдираман!» – деб ёзган Женнифер шахсий блогида.