Ҳар бир йирик шоу, концерт ёки клип учун яратилган саҳна либосларидан хонандалар кундалик ҳаётда фойдалана олмайди. Шу сабабли машҳурларнинг либослари гардеробда чанг босиб ётмаслиги учун улардан фойдаланишнинг креатив усулларини ўйлаб топади.
Леди Гага “House оф Гага” номли шахсий кўргазмасини ташкил қилган
Хонанда Леди Гага доим ўзининг ғайриоддий образлари билан мухлисларини ҳайратда қолдириб келган. 2010 йилда МTV Видео Music Awards қизил йўлагида кийган “гўштли” либоси буни исботлайди. 2019 йилда у энг ноодатий либосларини жамлаб, Лос Анжелесда “House оф Гага” номли кўргазмада намойиш этди. Гага мухлислари 40 дан ортиқ либосларни жонли кўриш имконига эга бўлишди. Масалан, Бейонсе билан бирга ишланган “Телепҳоне” клипидаги тишли ва михли чарм куртка ҳам шулар жумласидан. Гага либосларни шунчаки сақламайди, балки уларни санъат асарига айлантиради. Ҳар бир образ алоҳида бир ҳикоя ҳақида сўзлайди.
Рианна либосларини Лондон музейига топширган
2023 йилда Лондоннинг Виктория ва Алберт музейи замонавий актрисалар ва қўшиқчиларнинг афсонавий либосларига бағишланган кўргазмани очди. Экспозиция юлдузларидан бири хонанда Рианна бўлди, у ўзининг мода тарихига кирган либосларини музейга топширди.
Либослар орасида 2018 йил Мет Гала тадбирида кийган Рим Папаси услубидаги дабдабали либоси ва 200 мингта Swarovski тошлари билан безатилган кўйлаги бор эди. Бироқ Рианна музейга битта ноодатий шарт қўйди — либосларини суратга олиш қатъиян тақиқланган бўлиши керак эди. Бунинг сабабини хонанда ошкор қилмаган.
Бритни Спирс либосларини сотиб, зилзила қурбонларига ёрдам берди
2000 йиллар поп маликаси Бритни Спирс фаолияти давомида юзлаб саҳна либосларини тўплади. Кийимларни у хайрия аукционларига топшириб, савдодан тушган маблағни эзгу ишлар учун сарфлади. Масалан, 2011 йилда у Япониядаги зилзила қурбонларига молиявий ёрдам берди.
Билли Айлиш хайрия акциясида иштирок этди
Билли Айлиш доимо хайрия лойиҳаларида иштирок этади ва “бир марталик мода”ни кескин танқид қилади. Хонанда бу фикрларини амалда ҳам кўрсатади. 2019 йилда Гластонбери фестивалидан сўнг Билли бир нечта либосини Oxfam фондига совға қилди.
2024 йилда у Чарли ХCХ билан биргаликда ёзган “Гуэсс” треки учун кийган либосларини сотиб, тушган маблағни “I Суппорт The Girlс” хайрия ташкилотига йўналтирди. Бу ташкилот оилавий зўравонликдан жабр кўрганларга ёрдам беради.
Кети Перри НФТ яратди ва мухлисларига сюрприз тақдим этди
Кети Перри ўзининг ёрқин либослари билан Леди Гага билан бемалол рақобатчи бўла олади. 2019 йилги Мет Гала тадбирида у кийган “гамбургер” костюми узоқ вақт интернетда муҳокамада бўлди. Кети кўркам ва ёрқин либосларни яхши кўради, лекин ҳаттоки Голливуддаги катта гардероблар жавони бир кун эмас бир куни тўлади.
2021 йилда у либосларини тартибга солишга қарор қилиб, САДА инвестиция компанияси билан ҳамкорликни йўлга қўйди. Бу орқали Кети махсус НФТълар ишлаб чиқди (НФТ (нон-фунгибле токенс — ўзаро алмашинмас криптографик токенлар туридир) чиқарди. Уларнинг ҳар бирига концертларда фойдаланилган ҳақиқий либослар бириктирилган эди. Бу янгилик Кети Перри мухлислари учун ҳақиқий сюрприз бўлди.
Изоҳ (0)