АПЛ. «Челси» «Манчестер Юнайтед»га қарши, Пеп Гвардиола шогирдлари «Вест Ҳэм»ни синовдан ўтказади, «Ньюкасл» Лондонда «Арсенал» меҳмони бўлади
«Челси» — «Манчестер Юнайтед», 28 ноябрь, 21:30
Томас Тухель шогирдлари мусобақа етакчиси бўлиб турибди. Асосий рақобатчиларга қарши ўйинларда очко йўқотган бўлса-да, лондонликлар жадвалда биринчи ўринда бормоқда. Биринчи даврада «Манчестер Сити»га мағлуб бўлди, «Ливерпуль» билан 1:1 ҳисобида дуранг натижа қайд этди. «Челси»нинг асосий устунлиги кучсизроқ жамоалардан мунтазам очко олиб келаётганида. Уйдаги ўйинларда «Челси» АПЛдаги энг яхши натижани қайд этиб турибди. 6 та ўйиннинг 4 тасида ғалаба қозонган «аристократлар» 13 очко жамғара олди. Тўплар нисбати эса 17:3.
Жамоада жароҳатланган футболчилар деярли йўқ. Матео Ковачичнинг майдонга тушмаслиги аниқ. Тимо Вернернинг ўйнаши эса сўроқ остида. Лондонликлар сафида ҳужум чизиғининг фаол вакили ҳимоячи Рис Жеймс бўлиб турибди. Инглиз футболчиси 4 та гол ва 3 та голли узатмани ўз ҳисобига ёздириб қўйган. Ромелу Лукаку ва Мэйсон Маунт ҳисобида 3 тадан гол мавжуд.
«Манчестер Юнайтед» инқироз даврини бошдан кечиряпти. «Қизил иблислар» АПЛнинг 10-турида «Тоттенҳэм» устидан ғалаба қозонди. Бу ғалаба охирги 6 ўйиндаги ягонаси бўлиб қолди. Ундан сўнг манкунианликлар «Манчестер Сити», «Ливерпуль», «Лестер» ва «Астон Вилла»га мағлуб бўлди. «Эвертон» билан 1:1 ҳисобида дуранг натижа қайд этди. Омадсиз ўйинлар сабаб «Манчестер Юнайтед» кучли тўртликдан чиқиб кетган.
Манчестерликларнинг лазаретида икки нафар француз футболчиси бор. Рафаэл Варан декабрга қадар жамоага ёрдам беролмайди, ярим ҳимоячи Пол Погба учун эса йил якунланган.
Қолган учрашувлар:
27 ноябрь, шанба
«Арсенал» — «Ньюкасл», 17:30
«Кристал Пэлас» — «Астон Вилла», 20:00
«Ливерпуль» — «Саутҳэмптон», 20:00
«Норвич» — «Вулверҳэмптон», 20:00
«Брайтон» — «Лидс», 22:30
28 ноябрь, якшанба
«Брентфорд» — «Эвертон», 19:00
«Бёрнли» — «Тоттенҳэм», 19:00
«Лестер» — «Уотфорд», 19:00
«Манчестер Сити» — «Вест Ҳэм», 19:00
Ла Лига. Хавининг олдида жиддий синов: «Барселона» «Вильярреал»га қарши, турнинг марказий учрашувида «Реал» «Севилья» билан баҳс олиб боради
«Реал» — «Севилья», 28 ноябрь, 01:00
Қироллик клуби ушбу учрашувга 5 ўйинлик ғалабали серия билан ташриф буюради. Умумий ҳисобда «Реал» 8 ўйиндан буён мағлуб бўлмаяпти (7 та ғалаба, битта мағлубият). Карло Анчелотти жамоаси мусобақанинг етакчиси бўлиб турибди, Чемпионлар Лигасида эса муддатидан аввал плей-офф йўлланмасини қўлга киритди.
«Севилья» 28 очко билан 3-ўринни эгаллаб турибди. Охирги турда Хулен Лапотеги шогирдлари «Алавес» билан 1:1 ҳисобида дуранг қайд этди. Чемпионлар Лигасида эса «Вольфсбург»ни 2:о ҳисобида таслим этди ва плей-офф йўлланмасини қўлга киритиш учун имкониятни сақлаб қолди.
Қолган учрашувлар:
26 ноябрь, жума
«Атлетик» — «Гранада», 01:00
27 ноябрь, шанба
«Алавес» — «Сельта», 18:00
«Валенсия» — «Райо Вальекано», 20:15
«Мальорка» — «Хетафе», 22:30
«Вильярреал» — «Барселона», 01:00
28 ноябрь, якшанба
«Бетис» — «Леванте», 18:00
«Эспаньол» — «Реал Сосьедад», 20:15
«Кадис» — «Атлетико М», 22:30
29 ноябрь, душанба
«Осасуна» — «Элче», 01:00
А Серия. «Наполи» «Лацио» билан ҳисоб-китоб қилади, Шомуродов жамоаси «Торино»ни синовдан ўтказади, «Ювентус» эса «Аталанта»га қарши
«Рома» — «Торино», 28 ноябрь, 22:00
Жозе Моуриньо шогирдлари Генуяда «Женоа» устидан 2:0 ҳисобида ғалаба қозонди. 13 турдан сўнг «Рома» 22 очко билан 5-ўриндан жой олган. Жамоанинг энг яхши тўпурари — Лоренцо Пеллегрини бўлиб турибди. Футболчи барча мусобақаларда 21 та ўйинда майдонга тушиб, 8 та гол урган. Охирги 4 турдан буён римликлар бирорта ўйинни голсиз тарк этмаяпти.
Охирги турда «Торино» «Удинезе»ни 2:1 ҳисобида таслим этди. Туринликлар 17 очко билан 11-ўринда бормоқда. Йосип Брекало жамоанинг энг яхши тўпурари ҳисобланади. У 8 ўйинда 3 та голга муаллифлик қилди. Сўнгги 5 ўйинда «Торино» 8 та гол уришга муваффақ бўлган.
Қолган учрашувлар:
26 ноябрь, жума
«Кальяри» — «Салернитана», 00:45
27 ноябрь, шанба
«Эмполи» — «Фиорентина», 19:00
«Сампдория» — «Верона», 19:00
«Ювентус» — «Аталанта», 22:00
«Венеция» — «Интер», 00:45
28 ноябрь, якшанба
«Удинезе» — «Женоа», 16:30
«Милан» — «Сассуоло», 19:00
«Специя» — «Болонья», 19:00
«Наполи» — «Лацио», 00:45
Бундеслига. Марказий ўйинда «Вольфсбург» «Боруссия Д»га қарши, «Бавария» «Арминия»ни қабул қилади
«Вольфсбург» — «Боруссия Д», 27 ноябрь, 19:30
«Вольфсбург» Бундеслигада олтинчи ўринни эгаллаб турибди. «Бўрилар» ҳисобида 20 очко мавжуд. «Вольфсбург»нинг мағлубиятсиз серияси 3 тага етди. «Байер» ва «Аугсбург»га қарши ўйиндаги ғалаба ва «Арминия» билан меҳмондаги дуранг. Жамоа ўз уйидаги ўйинларнинг охирги 4 тасидан фақат биттасида ғолиб бўлган.
«Боруссия Д» бу пайтда «Бавария»ни қувишда давом этмоқда. Дортмундликлар мусобақа етакчисидан бир очко кам жамғарган ҳолда иккинчи ўринда бормоқда.
Бундеслигада «Боруссия» охирги 6 турда 5 та ғалаба қозонди. Фақатгина «Лейпциг»га қарши ўйинда мағлуб бўлди.
Германия чемпионатининг меҳмондаги 5 ўйинида Марко Роуз шогирдлари 3 марта имкониятни бой берган.
Қолган учрашувлар:
26 ноябрь, жума
«Штутгарт» — «Майнц», 00:30
27 ноябрь, шанба
«Гройтер» — «Ҳоффенҳайм», 19:30
«Бохум» — «Фрайбург», 19:30
«Кёльн» — «Боруссия М», 19:30
«Ҳерта» — «Аугсбург», 19:30
«Бавария» — «Арминия», 22:30
28 ноябрь, якшанба
«Айнтрахт» — «Унион Берлин», 19:30
«Лейпциг» — «Байер», 21:30
Лига 1. «ПСЖ» мусобақа аутсайдерига қарши, «Лион» «Монпелье» билан баҳс олиб боради
«Сент-Этьен» — «ПСЖ», 28 ноябрь, 17:00
Франция чемпионатининг ортда қолган 14 туридан сўнг «Сент-Этьен» 12 очко билан 19-ўриндан жой олган. Жамоанинг энг яхши тўпурари — Ваҳби Ҳазри бўлиб, футболчи 14 ўйинда 7 та гол урган. «Сент-Этьен» Лига 1 нинг охирги 4 ўйинида мағлубият нималигини билмаяпти.
Парижликлар эса охирги турда «Нант»ни 3:1 ҳисобида таслим этди. Маурисио Почеттино шогирдлари ҳисобида 37 очко мавжуд ва улар мусобақа етакчиси ҳисобланади. Килиан Мбаппе — жамоанинг тўпурари, у 18 ўйинда 9 та голни ўз номига ёздириб қўйган. Ундан ташқари, Лионель Месси ҳам Франция чемпионатидаги дебют голини уриб олди, эндиликда унинг голга бўлган чанқоғи янада ошиши табиий.
Қолган учрашувлар:
26 ноябрь, жума
«Ленс» — «Анжер», 01:00
27 ноябрь, шанба
«Лилл» — «Нант», 21:00
«Ницца» — «Мец», 01:00
28 ноябрь, якшанба
«Бордо» — «Брест», 19:00
«Лорян» — «Ренн», 19:00
«Монако» — «Страсбур», 19:00
«Реймс» — «Клермон», 19:00
«Монпелье» — «Лион», 21:00
«Марсель» — «Труа», 00:45
Изоҳ (0)