Европа Лигаси. Гуруҳ босқичини муваффақиятли якунлаган 24 жамоа номи маълум бўлди

Европа футбол клубларининг иккинчи рақамли мусобақаси ҳисобланган Европа Лигасида гуруҳ босқичини муваффақиятли якунлаган 24 жамоа номи аниқ бўлди.

Кўпчилик учун кутилмаганда Англиянинг «Саутгемптон» ва Италиянинг «Интер» клублари гуруҳ босқичидан ўта олмади. Инглизлар сўнгги турда Исроилнинг «Хапоэл Б-Ш» клубини қабул қилиб, 1:1 ҳисобида дуранг ўйнаб қўйди. Миланликлар эса сўнгги турда 2:1 ҳисобида зафар қучса ҳам, гуруҳни сўнгги ўринда якунлади.

Украинанинг «Шахтёр» клуби гуруҳ босқичидаги барча — 6 та учрашувда ҳам зафар қуча олган ягона жамоа бўлди. «Зенит» бунга қадар 5 та учрашувни ўз фойдасига ҳал қилган бўлса, сўнгги турда имкониятни бой бериб қўйди.

Ўзбекистон миллий терма жамоаси сардори Одил Аҳмедов ҳаракат қиладиган «Краснодар» сўнгги турни Францияда «Ницца»га қарши ўтказиб, Марио Балотелли жамоасига имкониятни бой берди — 1:2. Шунга қарамай, навбатдаги босқичга йўлланма олди.

Европа Лигасининг энг номдор жамоаси бўлиб турган «Манчестер Юнайтед» Одессада «Заря» меҳмони бўлиб, Мхитарян ва Ибраҳимович томонидан урилган голлар эвазига муваффақият қозонди ва гуруҳни 2-ўринда якунлади.

Навбатдаги босқичда Европа Чемпионлар Лигаси гуруҳ босқичида 3-ўринни эгаллаган 8 та жамоа, Европа Лигасида юришини давом эттираётган 24 клуб қаторига қўшилади.

Европа Чемпионлар Лигасидан тушганлар

«Тоттенҳэм» (Англия)«Боруссия Мёнхенгладбах» (Германия)«Лион» (Франция)«Ростов» (Россия)«Бешиктош» (Туркия)«Легия» (Польша)«Копенгаген» (Дания)«Лудогорец» (Болгария)

Европа Лигаси гуруҳидан чиққанлар

«Атлетик» (Испания)«Вильярреал» (Испания)«Сельта» (Испания)«Манчестер Юнайтед» (Англия)«Шальке» (Германия)«Рома» (Италия)«Фиорентина» (Италия)«Сент-Этьен» (Франция)«Краснодар» (Россия)«Зенит» (Россия)«Аякс» (Голландия)«АЗ Алкмаар» (Голлндия)«Андерлехт» (Бельгия)«Генк» (Бельгия)«Гент» (Бельгия)«Усмонлиспор» (Туркия)«Фенербахче» (Туркия)«Шахтёр» (Украина)«Олимпиакос» (Греция)«ПАОК» (Греция)«Спарта» (Чехия)«Хапоэл Б-Ш» (Исроил)«Астра» (Руминия)«AПОЭЛ» (Кипр)