Электр таъминотидаги узилишлар Пуэрто-Рикодаги 1,4 миллион аҳоли ҳаётига салбий таъсир кўрсатди. Luma Energy компанияси вакили Уго Соррентинининг маълум қилишича, аэропортлар ва шифохоналарда ҳам электр энергияси йўқ.
Соррентини маълумотларига кўра, 330 мингга яқин одам ичимлик суви олишда қийналмоқда. Электр тармоқларини тиклаш ишлари олиб борилаётган бўлса-да, узилишнинг аниқ сабаби ҳали аниқланмаган. Электр узилиши Пуэрто-Рикодаги тахминан 1,4 миллион кишининг ҳаётига салбий таъсир кўрсатган.
Ҳокимият вакиллари жабрланганларнинг шикоятлари 72 соат ичида ҳал этилишини билдирган.
Пуэрто-Рико губернатори Женнифер Гонсалес электр энергиясининг бундай кўламда узилиши “қабул қилиб бўлмаслиги”ни ва Luma Energy билан шартномани бекор қилиш масаласи кўриб чиқилаётганини айтган.
Пуэрто Рикода 30 декабрдан 31 декабрга ўтар кечаси ҳам авария натижасида мамлакатдаги барча электр станциялари ишдан чиқиб, умумий электр таъминотида узилиш юз берганди.
Канаданинг шарқий қисмида юз берган музли циклон Онтариода 350 мингдан ортиқ кишини электрсиз қолдиргани ҳақида хабар қилинганди.
Изоҳ (0)