Голливуднинг йирик фильмларини ишлаб чиқариш доим катта харажатларни талаб қилади, айниқса, лойиҳа блокбастер ва фантастика жанрида бўлса, кино бюджети янада ошади. Актёрларга бериладиган гонорар, махсус эффектлар, турли мамлакатларда суратга олиш ва ишлаб чиқариш каби ишлар учун миллионлаб пуллар сарфланади.
Бундай лойиҳалар орасида ўзининг юқори бюджети билан ажралиб турадиган фильм бу “Кариб денгизи қароқчилари: номаълум соҳилларда” лойиҳасидир. Франшизанинг тўртинчи қисми 2011 йилда намойиш этилган.
Фильм сюжети
Капитан Жек Читтак абадий ёшлик булоғи ҳақида миш-мишларни эшитиб, уни излаб топишга қарор қилади. Ушбу йўлда у ўзининг собиқ севгилиси Анжелика билан учрашади. Анжелика ёвуз қароқчи Қора Соқолнинг қизи бўлиб чиқади. Жек бу саргузашт давомида Испания ва Буюк Британия флотлари билан ҳам жанг қилишига тўғри келади. Ушбу фильм олдинги қисмлардан фарқли равишда турли сеҳрга бой воқеаларга тўла бўлиб, сюжетнинг марказида абадий ҳаёт булоғи туради.
Фильмнинг қимматга тушиш сабаблари
Актёрларнинг катта гонорари: Биргина Жонни Деппнинг гонорари 56 миллион долларни ташкил қилган.
Йўл харажатлари: Фильмни суратга олиш ишлари турли мамлакатларда олиб борилган. Жумладан, Гавайи ороллари, Кариб денгизи соҳиллари, ЛосАнжелес, Пуэрто Рико, Лондон ва ҳатто одамлар яшамайдиган Паломинито оролида ҳам ишланган.
Махсус эффектлар: Фильм 3D форматида ишланган бўлиб, кўплаб визуал эффектлар учун катта маблағ сарфланган ва ўнлаб студиялар махсус эффектлар устида ишлаган.
Фильмнинг касса даромади 1,045 миллиард долларни ташкил этган.
Изоҳ (0)