Ўзбекистон Суперкубоги баҳс қайси стадионда ўтказилиши маълум бўлди. Бу ҳақида Ўзбекистон Профессионал футбол лигаси матбуот хизмати хабар берди.
Унга кўра, мамлакатнинг амалдаги чемпиони “Насаф” ҳамда кубок соҳиби “Андижон” ўртасидаги баҳс “Бунёдкор” стадионида бўлиб ўтади.
Регламентдан келиб чиқиб, мамлакат чемпиони сифатида “Насаф” учрашувнинг номинал мезбони бўлади. Суперкубок ўйини билан боғлиқ қолган деталлар ҳар икки клуб билан ўзаро келишиб олинади, дейилади хабарда.
Маълумот учун, “Насаф” — “Андижон” ўртасидаги ўйин 27 май куни бўлиб ўтади. Мусобақанинг амалдаги ғолиби “Насаф” бўлиб, 2024 йилнинг 29 май санасида “Пахтакор”ни мағлуб этиб (1:1, пенальтилар серияси — 4:3), совринга эга чиққан.
Изоҳ (0)