Наманганда жорий йил 25-майдан 29-июнгача 64-халқаро гуллар фестивали бўлиб ўтади. Бу ҳақда “Дарё” мухбири Азизбек Абдувалиев хабар бермоқда.

Фото: Оқилхон Мамажонов
Фестивал давомида Наманган шаҳридаги боғ ва хиёбонлар 100 миллиондан ортиқ гуллар билан безатилади, мутахассислар иштирокида маҳорат сабоқлари берилади, гуллар савдоси авж олади.

Фото: Оқилхон Мамажонов
Шунингдек, фестивал доирасида жаҳон ва миллий эстрада юлдузлари иштирокида концертлар, модалар ҳафталиги, “Талант шоу”, “Овоз” ва X-Factor танловлари, спорт мусобақалари, цирк томошалари, ҳунармандчилик кўргазмалари, турфа таомлар тақдимоти, “Лаванда сайли” ва дрон-шоу ҳам бўлиб ўтади.

Фото: Оқилхон Мамажонов
Якунда фестивалнинг энг фаол иштирокчилари анъанага мувофиқ қимматбаҳо совғалар ва пул мукофотлари билан тақдирланади.

Фото: Оқилхон Мамажонов
Изоҳ (0)