Январь—февраль ойларида ҳудудлар кесимидаги энг кўп экспорт ва импорт Тошкент шаҳридан амалга оширилган. Бу ҳақда Статистика қўмитаси маълум қилди.
2025 йил январь—февраль ойларида Ўзбекистон ташқи савдо айланмаси ҳажми 10,8 млрд долларга етган (2024 йил мос даврида 9,9 млрд доллар). Шундан экспорт улуши 4,6 млрд доллар, импорт ҳажми 6,2 млрд долларни ташкил этди. Ташқи савдо тақчиллиги — 1,5 млрд доллар.
Ҳудудлар кесимида экспорт ва импорт ҳажмларининг яхлит шакли қуйидагича:
- Тошкент шаҳри — 4 млрд доллар;
- Тошкент вилояти — 807,9 млн доллар;
- Андижон вилояти — 602,5 млн доллар;
- Самарқанд вилояти — 445,7 млн доллар;
- Фарғона вилояти — 364,7 млн доллар;
- Навоий вилояти — 265,2 млн доллар;
- Жиззах вилояти — 244,2 млн доллар;
- Наманган вилояти — 221,4 млн доллар;
- Бухоро вилояти — 218,4 млн доллар;
- Сурхондарё вилояти — 183 млн доллар;
- Хоразм вилояти — 144,3 млн доллар;
- Қашқадарё вилояти — 138,5 млн доллар;
- Сирдарё вилояти — 107,9 млн доллар;
- Қорақалпоғистон Республикаси — 104,6 млн доллар.
Қўмита ҳисоботларида 2024 йилда ҳудудларнинг ташқи савдо айланмаси ҳажми қанча бўлгани ҳам маълум қилинганди. Экспорт ва импорт кўрсаткичлари бўйича энг йирик улуш Тошкент шаҳрига тўғри келган — 25,3 млрд доллар. Бу деярли бошқа барча ҳудудларнинг умумий йиллик ташқи савдоси ҳажми тенг.
Ўтган йили Сурхондарё вилоятининг ташқи савдодаги иштироки энг кам бўлган — 416,1 млн доллар. Шу билан бирга, Сирдарё (675 млн доллар) ва Хоразм (857 млн доллар) вилоятлари ҳамда Қорақалпоғистон Республикаси (681,6 млн доллар) экспорт ва импорт ҳажмлари бир млрд долларга ҳам етмаган.
Изоҳ (0)