Актриса Неҳа Дҳупия Ҳиндистоннинг энг гўзал қизларидан бири сифатида тан олинди, 2002 йилда “Ҳиндистон гўзали” мукофотини қўлга киритди ва “Коинот гўзали” танловида финалчилар қаторига кирди.
Неҳа Дҳупия 1980 йилнинг 27 август санасида Кераланинг энг йирик шаҳарларидан бири — Кочинда туғилган. Унинг отаси, қўмондон Прадип Сингҳ Дҳупия Ҳиндистон денгиз флотида хизмат қилган, онаси эса уй юмушлари билан шуғулланган, шунингдек, Неҳа ва унинг укаси Хардипни тарбиялаган.
Актриса аълочилар қаторида бўлган ва кейинчалик ҳарбий мактабда таҳсил олган. Неҳанинг ота-онаси қизининг давлат хизматига киришишига ишонган, бироқ унинг тақдири умуман бошқача кечди.
У болалигида ҳам малаяламча “Майоқ” фильмида кичкина қизалоқ ролини ўйнаган ва талабалик йилларида моделлик соҳасига қизиқиб қолган. Неҳа гўзаллик танловлари саҳнасига чиқишдан олдин театрда бир нечта спектаклларда рол ижро этди. Актриса саҳнага чиқишни жуда яхши кўрарди, айнан шу ерда уни “Ҳиндистон гўзали” танлови ташкилотчилари пайқаб қолишди.
Дҳупия 2002 йилда Ҳиндистондаги энг гўзал аёли сифатида тан олинди ва Пуэрто-Рикода бўлиб ўтиши режалаштирилган “Коинот гўзали—2002” танловига йўл олди. Актриса у ерда Ҳиндистон номини муносиб тарзда ҳимоя қилди ва энг яхши ўн нафар финалчи қаторига киритилди.
У “Ҳиндистон гўзали” танловида иштирок этгандан сўнг, кутилганидек, ижодкорлар актрисани ролларга таклиф қила бошлади. Неҳа таклидларни рад этмади ва орадан кўп ўтмай Болливудда “Ҳаётга қайтиш” триллерида дебют қилди, ушбу лойиҳада бош ролларни Ажай Девган ва Сунил Шетти ижро этган.
Кейинчалик актриса “Сирли алоқа” лойиҳасида суратга тушди ва унда эгизак опа-сингилларнинг ролини ўйнади, аммо бу фильм кассада муваффақият қозонмади. Орадан вақт ўтиб у “Биз қандай ажойибмиз” комедиясида рол ижро этди ва шундан кейин Неҳага дадил актриса деб таъриф берилди.
У “Хатолар комедияси”, “Локандваладаги отишма”, “Қирол Сингҳ”, “Кўришгунча” лойиҳаларида иккинчи даражали ролни ижро этди. Неҳа 2011 йилда “Гитлернинг қадрдон дўсти” фильмида Эва Браун ролини ўйнади ва 2016 йилда у Болливудда “Неҳа билан филтрсиз” номли подкастини яратди. У подкастида Болливуддаги машҳур инсонлардан интервью олган. Шоу ижобий баҳоларга сазовор бўлди ва томошабинлар унинг янги сонларни интиқлик билан кутишмоқда.
Актриса ўз бахтини бошқа ҳамкасбларига қараганда анча кеч топди. Неҳа узоқ вақт давомида сквош ўйинчиси Ритвик Бҳаттачаря билан муносабатда бўлган. Бироқ шунга қарамай, улар турмуш қуришмади ва 2010 йилда жуфтликнинг тақдир йўли иккига бўлинди.
Кейинчалик Неҳа тиш шифокори Жеймс Силвестр билан ишқий муносабатда бўлди. Бу муносабатлар уч йил давом этди ва ажралиш билан якунланди. 2014 йилда Дхупия крикетчи Ювраж Сингҳ билан учраша бошлади, аммо бу муносабатлар ҳам узоққа бормади.
2018 йилнинг 10 май куни 37 ёшли актрисанинг кутилмаганда актёр Ангад Бедига турмушга чиққани маълум бўлди. Бу воқеа кўпчиликни ҳайратда қолдирди, чунки ўша пайтда Ангад раққоса Нора Фатехи билан муносабатда эди. Тўй яширинча ўтказилди.
Кўп ўтмай уларнинг қизи Меҳр, уч йилдан сўнг эса ўғли Гурик дунёга келди. Актриса ўтган йили экранларга чиққан “Пайшанба” триллерида Ями Гаутам ролини ўйнаганида ҳомиладорлигининг сўнгги ойларида бўлган. Фильм сюжетига кўра, унинг қаҳрамони полициячи Кетрин Альварес ҳам фарзанд кутаётган эди.
Ҳозирда Неҳа кўпроқ вақтини оиласи билан ўтказмоқда, бироқ у Instagram’да фаол ва реклама роликларида рол ўйнайди.
Изоҳ (0)