Ҳозирги кунда Болливуд сўзи бойкот тушунчаси билан бирга қўлланилмоқда. Биринчи нишон Амир Хоннинг «Лаал Сингҳ Чадҳа» фильми эди, энди эса Шоҳрух Хоннинг навбатдаги лойиҳаси «Pathaan»га зарар етказишга уринаётган твитлар ҳам юзага келмоқда.
Камдан-кам ҳолларда баҳс-мунозараларга қўшиладиган ҳинд кино оламининг юлдузи Ритик Рошан Амир Хоннинг янги фильмини мақтаганидан сўнг бойкот тўдасининг навбатдаги нишонига айланди ва бунинг натижасида машҳур хештег ҳам пайдо бўлди. Шунингдек, Кинематография уюшмаси тролларга ҳеч қандай муносабат билдирмай «хато қилганини» айтган Аржун Капурга қарши мемлар ҳам яратилди
Кино бизнесида нималар бўлмоқда?
Афсуски, рақамлар камдан-кам ҳолларда ёлғон бўлиб чиқади. Амир Хон 2016 йилда Болливуддаги энг катта тижоратга эга машҳур лойиҳалардан бирини тақдим этди. Бу «Кураш» номли спортга бағишланган драма эди. Орадан олти йил ўтгач, у «Лаал Сингҳ Чадҳа» фильмини эълон қилди, бироқ ушбу фильм бюджетининг тўртдан бир қисмини ҳам топа олмади. Акшай Кумарнинг «Ракшабандҳан» фильми дам олиш кунларида томошабинларни жалб қилишига умид қилинганди, аммо иккала фильм ҳам муваффақиятсизликка учради.
Акшайнинг «Ракшабандҳан» фильми сценарийсини Каника Диллон турмуш ўртоғи Ҳиманшу Шарма билан бирга ёзган, у яқинда аввал ёзган 17 та твитини ўчириб ташлади. Бу «Ракшабандҳан»ни бойкот қилишга чақириқлар кучайганидан кейин содир бўлди. Ўчирилган твитлар орасида Каниканинг Моди ҳукуматига қарши гаплари ҳам бор.
«Болливуд сценарийлар инқирозига учради. Ушбу бойкот тенденциялари бизнеснинг атиги 5 фоизига таъсир қилади. Ҳақиқий муаммо шундаки, ҳикоялар одамлар билан алоқани йўқотди», — дейди таҳлилчи ва журналист Комал Наҳта.
Яна бир таҳлилчи Ҳимеш Манкад: «Булар умуман бойкот тенденциялари эмас. Бу таркиб. «Гангубай Катҳиавади» ҳам бойкот қилинди, бироқ фильм 10 миллион доллардан кўпроқ даромад олишга муваффақ бўлди», — деб изоҳ берган.
Пандемия ҳам одамларни кинотеатрларга қайтарувчи омиллардан бирига айланди ва ҳозир томошабинлар кўришга арзийдиган киноларни афзал кўрмоқда. Сўнгги пайтларда катта маблағ олиб келган ягона лойиҳалар: «РРР», «КГФ-2» ва «Пушпа» фильмлари бўлди.
«Айрим оилаларга кинотеатрда фильм томоша қилиш учун 25 доллар сарфлаш ноқулай. Томошабинлар ОТТ платформаларига ўтганидан кейин драмалар маблағ топмаяпти. Аслида бу нафақат ҳинд фильмларига, балки Голливуд фильмларига ҳам тегишли. Фақат «Тор: Севги ва момақалдироқ» ва «Доктор Стренж: телбалик мултидунёсида» фильмлари хитга айланди. Уилл Смит «Оскар» мукофотининг қўлга киритишига сабаб бўлган «Қирол Ричард» фильми тижорий муваффақиятсизликка учради», — дейди Бихардан бўлган дистрибютор Вишек Чаухон.
«Одамлар дам олиш учун кинотеатрларга боради. Улар «дарсларни» хоҳламайди», — дейди Вишек.
«Лаал Сингҳ Чадҳа» ва «Ракшабандҳан» кассаларда муваффақият қозонмаган бўлса ҳам, телугу фильми «Картикея 2» (2014 йилдаги худди шу номдаги лойиҳанинг давоми) ўз коллекциялари билан ҳатто Шимолий Ҳиндистонда ҳам шов-шувга сабаб бўлди. Фильм доктор Картикее (Никҳил Сиддҳартҳа) ҳақида бўлиб, у Лорд Кришнанинг туғилган жойи Дваркага саёҳат қилади ва бир сирга аралашиб қолади.
Мумбайдаги G7 мултиплекси ва Маратҳа Мандир кинотеатрининг бош ижрочи директори Манож Десаи: «Томошабинлар ҳақиқатан ҳам бу воқеанинг ичига кирди. Бу ҳикоянинг асоси нафақат ҳинд маданиятига, балки шоуменликка ҳам тегишли. Мен театрларимдаги намойишларни кўпайтириш ҳақида ўйлаяпман», — деди.
Яна бир муаммо — юлдузларнинг баланд гонорари. Яқинда эълон қилинган ҳисоботга кўра, Акшай Кумар ҳар бир фильмдаги ижроси учун 12 миллион доллардан кўпроқ ҳақ олади. Маълум бўлишича, Ритик Рошан ва Ажай Девган ҳар бир фильм учун 8 миллион доллар атрофида даромад олмоқда.
Амир Хон, Салмон Хон ва Шоҳрух Хон фильмлардан тушган фойдани тақсимланишига ишонади. Амир Хон фильмлардан тушган фойданинг қарийб 75 фоизини, Шоҳрух 65 фоизини олгани айтилган. Салмон Хон ўз фильмларининг рақамли ҳуқуқларни сотишдан тушган фойдани тақсимлашда иштирок этади.
Ражастанлик дистрибютор Раж Бансал: «Юлдузлар гонорарини кескин оширди ва натижада фильмнинг ўзига сарфлаш учун кўп пул қолмаяпти. Бу бизнесга таъсир қилади. Бундан ташқари, бугунги кунда томошабинлар фильмларнинг ОТТ платформаларида пайдо бўлишини кутмоқда. Бундай вазиятда актёрларнинг юқори гонорари шунчаки ўзини оқламайди», — деди.
Энди кино ижодкорлар ҳинд киносининг ўзгарувчан динамикасига қандай мослашаётгани ҳақида гапириш лозим. Айни пайтда, «Лаал Сингҳ Чадҳа» йилнинг энг муваффақиятсиз фильми сифатида тан олинган. Netflix унга бўлган ҳуқуқларни сотиб олишдан бош тортди ва ишлаб чиқарувчилар билан келишувни якунлади. Маълум бўлишича, Амир Хон бу ҳолат сабаб жуда тушкунликка тушган ва саросимадаки, у Ҳиндистондан АҚШга икки ой муддатга жўнаб кетган ва у ерда «қайта ишга тушиб, ўзига келишни» режалаштирган.
Акшай Кумарни «Катастрофам» фильмининг муваффақиятсиз бўлгани қизиқтирмайди, бу ҳолат у учун бегона эмас, яъни бу режиссёрнинг йил ҳисобидан учинчи муваффақиятсизликка учраган фильми бўлди («Баччан Пандей» ва «Самрат Prithviраж» фильмларидан кейин). У ўз релизлари билан мухлисларни безовта қилмаяпти ва кейинги лойиҳасини илгари сурмоқда.
Мавзуга доир:
Изоҳ (0)