Баъзи ҳинд актрисаларининг исмларини болаликдан биламиз. Бошқалар бизга яхши таниш, чунки улар журнал муқоваларини безаб туради ва нафақат Ҳиндистонни, балки Голливудни ҳам забт этган. Бу актрисалар нафақат истеъдодли, балки ўзига хос услуб ва жозибага ҳам эга.
Айшв1ария Рай
Кўпчилик таниқли актриса Айшвария Рай ўзининг актёрлик фаолиятини 1994 йилда «Дунё гўзали» танловидаги ғалабаси туфайли бошлаган деб ўйлайди. Аслида эса у ўша вақтга қадар фильмларда рол ўйнаш учун камида 4 та таклифга эга эди. Унинг иштирокидаги «Девдас» (2002) фильми минг йилликнинг энг яхши фильмларидан бири сифатида тан олинган.
Айшвариянинг айтишича, гарчи у соғлом овқатланса ва ўзини формада сақласа ҳам диэтани ёқтирмайди. Яна бир маълумот, экзотик лола турларидан бири унинг номи билан аталган.
Фрида Пинто
Фрида Ҳиндистоннинг Бомбей шаҳрида туғилган бўлса-да, унинг ота-онаси аслида португалиялик. Унинг фамилияси португал тилида «кичик қуш» деган маънони англатади. Фрида 11 ёшида актриса бўлишни хоҳлашини тушунади. Аммо карьерасини бошлашдан олдин 2 йил давомида профессионал модель сифатида ишлайди.
Оламшумул шуҳратни унга «Оскар» мукофотига сазовор бўлган «Харобадан чиққан миллионер» фильмидаги бош қаҳрамоннинг севгилиси роли билан келди. Шундан сўнг истеъдодли қиз ўзини кўп қиррали актриса сифатида кўрсатди, «Маймунлар сайёрасининг юксалиши» фантастик фильмида ва Вуди Алленнинг комедия драмасида рол ўйнади. Тез орада «Жаноб Малколмнинг рўйхати» тарихий драмаси экранга чиқади, унда Фрида бош ролни ўйнайди.
Приянка Чопра
Приянка Чопра — нафақат Болливудда, балки Голливудда ҳам машҳур актриса — мактабни битиргач, дастурчи ёки суд психологи бўлишни хоҳлайди. Аммо 2000 йилда «Дунё гўзали» унвонини қўлга киритгандан сўнг актрисаликка ўқийди ва кинодаги фаолиятини бошлайди.
«Куантико» фильмида бош ролни ижро этишдан олдин Приянка поп юлдуз эди. У Ҳиндистонда машҳур бўлган бир нечта мусиқий синглларни чиқарган. Айтганча, Чопра актриса Софи Тернернинг қариндоши. Ахир уларнинг эрлари ака-ука мусиқачилар Ник ва Жо Жонасдир.
Карина Капур
Карина машҳур ҳинд режиссёри Раж Капурнинг набираси. Аввалига у актриса бўлишни хоҳламаган, ҳатто Гарвардда микрокомпьютерлар ва ахборот технологияларини ўрганган. Аммо бир мунча вақт ўтгач, Карина актёрлик сулоласини давом эттиришга қароқ қилади.
Унинг иштирокидаги энг машҳур фильмлар — «Уч савдойи», «Дўст бўлиб қоламизми?», «Гоҳи шодлик, гоҳи ғам». Бундан ташқари, актриса 2 та автобиографик китоб ҳам ёзган.
Кажол
Кажол Девган — актёрлар сулоласининг давомчиси, 4-авлод актриса. Айшвария Рай билан бирга у энг машҳур Болливуд актрисаларидан биридир. Унинг иштирокидаги энг машҳур картиналар: «Менинг исмим Хон», «Ҳаётда ҳамма нарса бўлади», «Гоҳи шодлик, гоҳи ғам» ва «Ўғирланмаган келин».
1999 йилда юлдуз актёр ва режиссёр Ажай Девган билан турмуш қурган, ҳозирда эр-хотиннинг 2 фарзанди бор. Кажол бўш вақтини хайрия ишларига бағишлайди ва шеърлар ёзади.
Алиа Бҳатт
Алиа Бҳатт режиссёр Маҳеш Бҳатт ва актриса Сония Раздан оиласида туғилган. У ўсмирлик чоғида кинода суратга туша бошлаган ва муваффақиятга эришган. «Учадиган Панжоб» драмасидаги роли сабаб Алиа «Энг яхши аёл роли» учун Ҳиндистон «Оскар»ини олади. 2022 йилда у Раж Капурнинг набираси Ранбирга турмушга чиқди.
Фильмлардаги фаолиятидан ташқари, Алиа Бҳатт атроф-муҳитни муҳофаза қилиш кампанияларида иштирок этади. Шунингдек, у ўзининг аёллар кийимлари брендига эга. Унинг иштирокидаги сўнгги фильмлардан бири — «Гангубай Катавади» Берлин кинофестивалида намойиш этилди.
Прити Зинта
«Эртанги кун келади ёки йўқ» ва «Салом намасте» фильмларининг юлдузи инглиз тили ва криминал психология бўйича имтиёзли дипломга эга. Унинг актриса сифатидаги фаолияти шоколад рекламаси билан бошланган. Дўстининг туғилган кунида Притини кўриб қолган режиссёр уни суратга олишга таклиф қилган.
Рани Мукержи
Рани оиласининг кўплаб аъзолари ҳаётларини кино билан боғлаб, режиссёр, актёр, продюсер бўлишган. «Оиламизда актрисалар кўп эди, шунинг учун дастлаб мен бошқа касб эгаси бўлишни хоҳлаганман», — деб эслайди у.
Шунга қарамай, Рани фильмларда рол ўйнашни бошлайди, ҳатто Болливуднинг энг яхши актрисалари рўйхатида биринчи ўринни эгаллайди. Бугунги кунда у кинодан ташқари хайрия ишлари билан ҳам шуғулланиб, аёллар ва болалар муаммоларига алоҳида эътибор қаратмоқда.
Дипика Падуконе
Машҳур ҳинд актрисаси Дипика Падуконе Данияда туғилган, бир йилдан сўнг унинг оиласи Ҳиндистонга кўчиб ўтади. 2018 йилда Дипика йилнинг энг нуфузли 100 кишиси рўйхатига киритилди. Қиз ўз карьерасини «Коктейл» ва «Ченнай Экспресс» каби романтик комедияларда рол ўйнашдан бошлаган.
Сушмита Сен
Сушмита «Коинот гўзали» унвонини қўлга киритган биринчи ҳиндистонлик ҳисобланади. Бу унвонга 1994 йилда у 18 ёшида сазовор бўлган. Бир неча йил ўтгач, актриса бўлишга қарор қилади. Сушмитанинг энг катта муваффақияти машҳур актёр Шоҳрух Хоннинг севгилиси ролини ўйнаган «Мен ёнингдаман!» жанговар фильмидаги иштироки бўлди.
Мавзуга доир:
Изоҳ (0)