Машҳур Болливуд актёрларининг қизлари орасида оталари каби кино соҳасида фаолият юритаётган, карьерасини муваффаққиятли давом эттираётганлари ҳам бор. Қуйида шу ҳақда маълумот берилади.
Шоҳруҳ Хон ва қизи Сухана
Суҳана Хон — Болливуд юлдузи Шоҳрух Хоннинг ягона қизи. У 2000 йилнинг 22 май санасида Мумбай шаҳрида туғилган. Актёрнинг қизи Суҳана диққат марказида бўлишни яхши кўрарди. Натижада у режиссёр Зоя Ахтарнинг “Арчи” лойиҳасида актриса сифатида дебют қилди. Суҳананинг Аряна исмли акаси ва Абрам исмли укаси бор.
Амир Хон ва қизи Айра
Айра — Амир Хоннинг ягона қизи. У актёрнинг Рина Датта билан биринчи никоҳидан туғилган ва ҳозир 26 ёшда. Айра мусиқа билан шуғулланган.
Саид Али Хон ва қизи Сара Али Хон
Сара — актёр Саиф Али Хон ва актриса Амрита Сингҳнинг қизи. У 2018 йилда ота-онасининг изидан боришга қарор қилди ва “Кадернатҳ” фильмида дебют қилди. Кейинчалик у “Симба” жанговар комедиясида суратга тушган. Иккала фильм ҳам муваффақиятга эришди, биринчи кинокартинадаги роли учун актрисага Filmfarе мукофоти берилган. Сара 1995 йилнинг 12 август санасида Мумбайда туғилган. У Колумбия университетида таҳсил олган.
Ажай Девган ва унинг қизи Ниса Девган
Ниса таниқли Болливуд актёрлари Кажол ва Ажай Девганнинг қизи. У ҳозирда ташқи кўринишини фаол равишда ўзгартирмоқда ва катта эҳтимол билан актриса бўлади. Ниса 2003 йилнинг 20 апрель санасида Мумбай шаҳрида дунёга келган. Ниса Девган келажакда ота-онаси каби кино соҳасида фаолият юритиши ёки юритмаслиги ҳақида аниқ маълумот бермаган.
Анил Капур ва қизлари Сонам, Рея
Анил Капурнинг иккита қизи бор. Сонам — ҳозир Болливуддаги таниқли актрисалардан бири. Унинг иштирокидаги лойиҳалар мухлисларнинг эътиборига тушган. Болливуд юлдузининг иккинчи қизи Рея эса стилист ва мода дизайнери ҳисобланади. Актёрнинг иккала қиз ҳам аллақачон турмушга чиққан.
Шакти Капур ва қизи Шраддҳа Капур
Болливуд актёри Шакти Капурнинг қизи Шраддҳа Капур 1987 йилнинг 3 март санасида туғилган. Кино соҳасидаги фаолиятини ёшлигидан бошлаган актриса Бостон университетида таҳсил олган. Унинг иштирокидаги “Ёлғончилар”, “Ёвуз”, “Севги ҳаёт учун” лойиҳалари кўплаб томошабинларнинг эътирофига сазовор бўлган, бундан ташқари актрисанинг ижросидаги фильмлар чет элга ҳам сотилган.
Жеки Шрофф ва қизи Кришна
Болливуд юлдузи Жеки Шроффнинг қизи Кришна 1993 йилнинг 21 январь санасида туғилган. У режиссёрлик соҳасида фаолият юритади. Кришна яқин келажакда фильмларда суратга тушиши ҳақида аниқ жавоб бермаган.
Санжай Датт ва унинг қизлари Тришала, Икра
Тришала Санжай Дуттнинг актриса Рича Шарма билан биринчи турмушидан бўлган қизи. Афсуски, Рича саратон касаллигидан вафот этди. Икра унинг актриса Манята билан учинчи турмушидан иккинчи қизи.
Сунил Шетти ва қизи Атия
Болливуд актёри Сунил Шеттининг қизи Атия модел актриса. У 1995 йилнинг 5 ноябрь санасида Мумбайда туғилган. “Қаҳрамон”, “Муборакан” ва “Мотичур Чакначур” лойиҳаларида суратга тушган. Атия Нью-Йорк академиясининг кино соҳасида таҳсил олган.
Говинда ва унинг қизи Тина (Нармада)
Нармада ёки Тина Ахужа 1989 йилнинг 16 июлида актёр Говинда ва Сунита Ахужа оиласида туғилган. У мода дизайнининг курсида таҳсил олган, сўнгра Кишоре Намит Капур институти ва Лондон кино институтида актёрлик курсини тугатган. У ўзини кино соҳасида ҳам синаб кўрган, бироқ уринишлари бесамар кетган.
Чанки Пандей ва қизи Ананя
Актёр Чанки Пандейнинг қизи Ананя 1999 йилнинг 24 март санасида туғилган. У дебютини “Йил талабаси 2” фильмида қилган. Ананя моделлик соҳасида ҳам ўзини синаб кўрган.
Жавед Жаффри ва қизи Алавия
Болливуд актёри Жавед Жаффрининг қизи Алавия илк дебютига тайёргарлик кўрмоқда. Алавия ҳам моделликда фаолият юритади.
Изоҳ (0)