Болливуднинг машҳур актёрлари нафақат кўриниши ва маҳорати билан, балки нуфузли оилага куёв бўлгани учун ҳам таниқли. Уларнинг айримлари машҳур юлдузларга куёв бўлган.
Ражеш Кҳаннанинг куёви − Акшай Кумар
Актёр Акшай Кумар Ражеш Кҳанна ва Димпл Кападиянинг қизи Твинкл Кҳанна билан турмуш қурган.
Жуфтлик 2001 йил 17 январда оила қурган. Уларнинг Аарав исмли ўғли, Нитара исмли қизи бор. “Қаранг, тақдиримга нималар ёзилган экан? Мен кумиримнинг қизига уйландим”, — деган эди актёр интервьюлардан бирида.
Баччан оиласининг куёви − Кунал Капур
“Заъфарон ранги” фильмидан таниш бўлган Кунал Капур Амитабҳ Баччаннинг жияни Наина Баччанга уйланди. Қизиғи шундаки, жуфтликни Амитабҳнинг қизи Швета Баччан таништириб қўйган. Кунал ва Наина тўйдан олдин тахминан 3 йил учрашиб юрган.
Танужанинг куёви − Ажай Девган
“Қарама-қаршиликлар тортишади” ибораси айнан Ажай Девган ва Кажол жуфтлиги ҳақида. Ажай Девган табиатан оғир, босиқ ва уятчан бўлиб, Кажолни кинога суратга тушиш пайтида севиб қолган. 4 йиллик муносабатдан сўнг икки ёш 1999 йил 24 февралда турмуш қурди. Бироқ Ажай ҳеч қачон Кажолга бўлган муҳаббатини очиқчасига билдирмаган. Унинг айтишига кўра, улар ҳеч қачон бир-бирига “Сизни севаман” деб айтмаган, турмуш қуриш таклифи ҳам бўлмаган, чунки оила ҳақида гаплашишмаган. Аммо шундай бўлиши муқаррар бўлган.
Рандҳир Капурнинг куёви – Саиф Али Хон
Актёр 13 йиллик турмуш ўртоғи Амрита Сингҳ билан ажрашганидан сўнг италиялик модел Роза Каталано билан учрашиб юрди. Карина Капур эса Шаҳид Капур билан яқин эди. 2008 йил суратга олинган “Умидсиз” фильми жараёнида Саиф ва Карина бир-бирига кўнгил қўйди ва орадан 5 йил ўтиб оила қурди. Уларнинг Таймур ва Жеҳ исмли ўғиллари бор.
Сунил Датт ва Наргиснинг куёви – Кумар Гаурав
Ражендрa Кумарнинг ўғли Кумар Гаурав Сунил Датт ва Наргиснинг қизи Намрата Даттга уйланган.
Гарчи у Раж Капурнинг куёви бўлиши мумкин бўлса ҳам. Сабаби Ражендра Кумар ва Раж Капур жуда қалин дўст бўлган, улар фарзандлари Раж ва Римани унаштириб қўйган эди. Лекин ёшлар унаштирувни бузди ва Кума Гаурав Намрата билан оила қурди, уларнинг Сачи ва Сия исмли қизлари бор.
Санжай Хоннинг куёви − Ритик Рошан
Ритик Рошан Санжай Хоннинг қизи Сюзаннага ошиқ бўлган. Болливуд актёри Зайд Хоннинг синглиси Сюзанна билан Ритик Рошан 2000 йилда турмуш қурди. Орадан 14 йил ўтиб, улар ажрашишга қарор қилди. Лекин жуфтлик ажрашгандан кейин ҳам дўст бўлиб қолди.
Дҳармендранинг куёви – Вайбҳав Воҳра
Таниқли актёр Дҳармендра ва Ҳема Малинининг қизи Аҳане Деол билан Вайбҳав Воҳра оила қурди.
Куёв панжоб оиласига мансуб ва Continental Carries Pvt Ltd компаниясининг директори. Уларнинг никоҳ тўйи 2014 йил 2 февралда бўлиб ўтди. Улар ҳозир Дариен исмли ўғлини тарбияламоқда.
Дҳармендра ва Ҳема Малинининг яна бир куёви – Бҳарат Таҳтани
Мумбайлик тадбиркор Бҳарат Таҳтани Ҳема Малини ва Дҳармендранинг катта қизи Эше Деолга уйланган. Улар 2012 йил 29 декабрда турмуш қурган ва икки нафар фарзанди бор.
Прем Чопранинг куёви – Шарман Жоши
Шарман Жоши таниқли актёр Прем Чопранинг куёви.
У коллежда ўқиётган пайтдаёқ Прерна Чопра билан учрашиб юрган ва жуфтликнинг никоҳ тўйи 2000 йил бўлиб ўтди. Ҳозирда уларнинг Ҳьяна исмли қизи ҳамда Варян ва Виҳана исмли эгизак ўғиллари бор.
Риши Капур ва Ниту Сингҳнинг куёви – Бҳарат Саҳни
Деҳлилик тадбиркор Бҳарат Саҳни Риши Капур ва Ниту Сингҳнинг қизи Риддҳима Капурга уйланган.
Улар 2006 йил 25 январда оила қурган. Жуфтликнинг Самара исмли қизи бор.
Изоҳ (0)