Ўзбекистон Республикаси Президенти Шавкат Мирзиёев амалий ташриф билан Олмаота шаҳрига келди.

Давлат раҳбарини Қозоғистон Республикаси президенти Қосим-Жўмарт Тўқаев кутиб олди. Ўзбекистон етакчиси ташрифи шарафига фахрий қоровул сафланди ва икки мамлакат байроқлари кўтарилди.

Бугун Ўзбекистон ва Қозоғистон президентлари норасмий учрашув ўтказадилар. Кун тартибидан савдо, саноат кооперацияси, транспорт ва логистика, энергетика, қишлоқ ва сув хўжалиги соҳаларида амалий ҳамкорликни кенгайтириш, шунингдек, фаол ҳудудлараро алоқалар ва маданий-гуманитар алмашинувни давом эттириш масалалари ўрин олган.

Давлат раҳбарлари халқаро сиёсат ва минтақавий ҳамкорлик масалалари юзасидан ҳам фикр алмашадилар.
Изоҳ (0)