UFCънинг оғир вазн тоифасидаги собиқ чемпиони Каин Веласкес 2022 йилда содир бўлган отишма бўйича Санта Клара округи суди томонидан 5 йиллик қамоқ жазосига ҳукм қилинди. Бу ҳақида Неwёркпост нашри хабар берди.
У фарзандининг жинсий зўравонлик қурбони бўлганини эшитиб, гумонланувчи ортидан қувиб борган ва унинг машинасига қарата ўт очган.
2022 йил февраль ойида Веласкес жиноятчи Гарри Гоуларте бошқараётган машинани қувиб келиб, унинг олд ойнасига қарата ўт очган. Ўқ Гоулартега тегмаган, бироқ машина ичида бўлган ўгай отаси Пол Бендерга тегиб, уни жароҳатлаган.
Суд залида Веласкес ўз қилмишидан афсусдалигини билдирган.
Мен узр сўрайман. Ўша вазиятда шошиб қолган эдим. Бу ҳаракатларимдан афсусдаман. Пол Бендер тезроқ тузалиб кетишини Худодан сўрайман, деган собиқ UFC жангчиси
Веласкеснинг адвокати сўзларига кўра, у ҳибсга олинган кундан ҳисобланганда, тахминан яна бир йил қамоқда қолиши мумкин. Прокуратура собиқ спортчига 30 йил ёки умрбод қамоқ жазоси тайинланишини сўраган, аммо Веласкеснинг адвокати унга озодликдан чеклаш жазоси берилишини илтимос қилган. Суд эса собиқ UFC жангчисига 5 йиллик қамоқ жазоси тайинлади.
Гоуларте Веласкеснинг ўғлига жинсий тажовуз қилганликда айбланмоқда ва унга нисбатан суд жараёни 2 июнда бошланиши режалаштирилган. Ҳозирда у тегишли органлар кузатувда бўлиб турибди.
Изоҳ (0)