АҚШнинг Невада штатида UFC 313 турнири бўлиб ўтди. Марказий жангларда ярим оғир вазн тоифасида Магомед Анкалаев ва Алекс Перейра ҳамда енгил вазн тоифасида Жастин Гетжи ва Рафаэл Физиев ўзаро кардга чиқди.
Мусобақанинг асосий жангида ярим оғир вазн тоифасида жанг қилувчи россиялик Магомед Анкалаев ҳамда бразилиялик Алекс Перейра ўзаро баҳс олиб борди. Тўлиқ 5 раунд давом этган жангда ҳакамлар бир овоздан Анкалаевнинг ғалабасини қайд этди. Шу тариқа россиялик спортчи ярим оғир вазн тоифасида чемпионликка эришди.
Яна бир асосий жангда америкалик Жастин Гетжи ва озарбайжонлик Рафаэл Физиев ўзаро кардга чиқди. Ушбу реванш жангида Гетжи Физиэв устидан ҳакамлар қарори билан ғалаба қозонди.
Спортчилар ўтган йилнинг март ойида ҳам учрашишган эди. Унда унда ҳам ҳакамларнинг якдил қарори билан америкалик жангчи ғалаба қозонган.
Маълумот учун, дастлаб Гетжи Ден Хукерга қарши жанг қилиши керак эди, бироқ Хукер жароҳати туфайли жанг ўтказилмайдиган бўлди.
Изоҳ (0)