АҚШнинг Лас-Вегас шаҳрида 8 декабрь куни MMA бўйича UFC 310 турнири бўлиб ўтган эди. Ушбу кечада қатнашган спортчилар эга чиққан пул мукофоти миқдори маълум қилинди.
Оқшомнинг марказий жангида ўта энгил вазн тоифасидаги бразилиялик Александр Пантожа япониялик дебютант Кай Асакура билан тўқнаш келди ва иккинчи раунддаёқ ғалаба қозонди. Айнан у турнирнинг энг катта гонорарига эга чиқди. Пантожа 3 млн 442 минг долларни қўлга киритди. Мағлубиятга учраган Асакура 1 млн 632 минг билан тақдирланди.
Қозоғистонлик Шавкат Раҳмонов бу борада учинчи бўлди. Чемпионлик жангига даъвогарлик ҳуқуқини қўлга киритган Раҳмоновнинг гонорари 1 млн 155 минг долларни ташкил этган.
UFC 310 иштирокчиларининг пул мукофоти миқдори:
- Александр Пантожа — 3 млн 442 минг (доллар)
- Кай Асакура — 1 млн 632 минг
- Шавкат Раҳмонов — 1 млн 155 минг
- Иан Гарри — 1 млн 056 минг
- Висенте Люке — 471 минг
- Крис Уайдман — 421 минг
- Клей Гуида — 371 минг
- Майкл Кеза — 366 минг
- Доминик Рейес — 361 минг
- Сирил Ган — 360 минг
- Александр Волков — 311 минг
- Мовсар Эвлоев — 176 минг
- Алжемейн Стерлинг — 320 минг.
Маълумот учун, UFC 311 мусобақаси 18 январь куни бўлиб ўтади. Турнирнинг икки асосий жангида россиялик спортчилар қатнашади. Унга кўра, Ислом Махачев Арманистон вакили Арман Царукянга қарши, грузиялик Мераб Двалишвили эса яна бир россиялик Умар Нурмагомедовга қарши октагонга кўтарилади.
Ўзбекистон шарафини ҳимоя қилувчи UFC жангчиси Богдан Гусков ҳам UFC 311 турнири доирасида жанг қилади.
Изоҳ (0)