UFC’нинг оғир вазн тоифасида собиқ чемпион Френсис Нганну 49 ёшли украиналик собиқ супер оғир вазн тоифасида жаҳон чемпиони Владимир Кличко билан жанг ўтказиш имконияти ҳақида гапирди.
“Менинг шартнома бўйича яна бир нечта жангим бор. Рико Верховен билан ҳам жанг ўтказишим мумкин, лекин аниқ эмас. Бундан ташқари, Деррек Чисора ва Владимир Кличколар ҳам вариантлар орасида бор. Мен албатта кейинги жангимни боксда ўтказмоқчиман ва ҳар қандай рақибга тайёрман”, дея Нганнунинг сўзларини келтиради Sportsboxreview нашри.
Эслатиб ўтамиз, Нганну сўнгги расмий жангини 2024 йил октябрь ойида ўтказган. У ўша кунги жангда бразилиялик Ренан Феррейра устидан ғалаба қозониб, PFL (Professional Fighters League) оғир вазн чемпионига айланган эди.
Кличко эса 2017 йилда фаолиятини якунлаган. У охирги жангини собиқ жаҳон чемпиони Энтони Жошуа билан ўтказиб, 11-раундда техник нокаут билан мағлуб бўлганди. Украиналик боксчи фаолияти давомида 69 та жангда қатнашган. Уларнинг 64 тасида ғалаба қозонган, 5 та жангда мағлубиятга учраган.
Изоҳ (0)