Мусобақа доирасида енгил вазн тоифасида UFC чемпиони, россиялик Ислом Махачев Арманистон вакили Арман Царукянга қарши баҳс олиб бориши керак эди. Бироқ жанг Царукяннинг вазн ташлаш жараёнида соғлиғи ёмонлашгани сабаб бўлган.
Энди Исломга мусобақада Ренато Мойкано рақиб бўлади. Бу ҳақда UFC президент Дана Уайт маълум қилди.
Фаолияти давомида Махачев 27 та жанг ўтказган бўлиб, улардан 26 тасида ғалаба қозонган ва бир марта мағлуб бўлган. Мойкано эса 20 та ғалаба, бешта мағлубият ва битта дуранг натижага эга.
Эслатиб ўтамиз, UFC 311 турнирининг яна бир асосий жангида россиялик Умар Нурмагомедов ва грузиялик Мераб Двалишвили иштирок этади.
Маълумот учун, ўзбекистонлик MMA устаси Богдан Гусков UFC 311 турнирида ўзининг навбатдаги жангини америкалик 29 ёшли Билли Элеканга қарши ўтказади. Билли MMA’да 8 ғалаба (4 таси нокаут), 1 дуранг ва 1 мағлубият қайд этган. Элекан сўнгги жангини ўтган йилнинг июль ойида Lights Оut Хтреме Fighting турнири доирасида Журилл Симмонсга қарши ўтказиб, рақибини биринчи раунднинг ўзида техник нокаутга учратганди. Богданга қарши жанг у учун UFC промоушенидаги дебют бўлади.
Эслатиб ўтамиз, Богдан Гусков UFC Vegas 91 турнирида америкалик Райан Спенни иккинчи раундда техник нокаутга учратди. Бу Гусковнинг MMA’даги 16-ғалабаси бўлди. Шунингдек, унинг ҳисобида 3 та мағлубият ҳам бор.
Изоҳ (0)