Жорий йил 10 март куни Париж шаҳрида “Илм-фан ва таълим: Ўзбекистон – Франция кўприги” мавзусидаги қўшма конференция ўтказилди. “Дарё” фотомухбири анжумандан суратлар олди.
Ўзбекистон президенти Шавкат Мирзиёев 11—13 март кунлари давлат ташрифи билан Францияда бўлади. Сафар олдидан Парижда икки давлат ўртасидаги ҳамкорликни ривожлантиришга доир тадбирлар ўтказилмоқда.
Шундай анжуманлардан бири илм-фан ва таълимга бағишланди. Унда олий таълим, фан ва инновациялар вазири Қўнғиротбой Шарипов, Франция олий таълим ва тадқиқотлар вазири Филипп Батист, икки давлатнинг 30 нафардан ортиқ ОТМлари раҳбарлари иштирок этди.
Тадбирда Ўзбекистон ва Франция ўртасидаги илмий-техник ва таълим соҳаларида ҳамкорликни ривожлантириш ҳақида суҳбатлашилди.
Анжуман доирасида қўшма таълим дастурларини жорий этиш, профессор-ўқитувчилар малакасини ошириш, талабалар алмашинувини кенгайтириш бўйича 20 дан ортиқ олийгоҳлараро шартномалар имзоланди.
Куннинг иккинчи ярмида Ўзбекистон ва Франция ўртасидаги таълим, фан ва инновация соҳасидаги ҳамкорликни мустаҳкамлашга қаратилган халқаро конференция бўлиб ўтди.
Анжуман доирасида Франция ва Ўзбекистон олий таълим муассасалари ўртасида икки томонлама ҳамкорлик шартномаларини имзолаш маросими бўлиб ўтди.
Тадбирнинг иккинчи қисмида учта йўналиш бўйича сессиялар ўтказилди:
1. “Ўзбек-француз университети”мавзусидаги сессияда Ўзбекистон ва Франция университетлари ўртасида таълим ва маданий ҳамкорликнинг стратегик истиқболлари муҳокама қилинди.
2. “Илмий-техник ҳамкорлик”мавзусидаги сессияда инновацион таълим, ижтимоий-гуманитар фанлар ва энергетика соҳаларида ҳамкорлик истиқболлари ҳақида суҳбатлашилди.
3. “Маданий мерос ва туризм”мавзусидаги сессияда Франция ва Ўзбекистоннинг мода саноати, тарихий меросни асраш ва ривожлантириш борасидаги ҳамкорлик масалаларига эътибор қаратилди.
Изоҳ (0)