O‘zbekiston prezidenti Shavkat Mirziyoyev Fransiyaning oliy mukofoti — Faxriy legion ordeni bilan mukofotlandi.
-zS9LcSnJ.jpg)
Prezident matbuot xizmatining xabar qilishicha, davlat rahbariga yuksak mukofotni Fransiya prezidenti Emmanuel Makron tantanali ravishda topshirdi.
O‘zbekiston prezidenti ikki mamlakat hamkorligini rivojlantirish, xalqlarimiz o‘rtasidagi do‘stlik va o‘zaro anglashuvni mustahkamlashga qo‘shgan ulkan hissasi uchun ushbu ordenga sazovor bo‘ldi.
Shavkat Mirziyoyev mukofot uchun Fransiya rahbariga minnatdorlik bildirib, keyingi yillarda sermahsul hamkorlikda yuksak natijalarga erishilgani, ikki mamlakat munosabatlari strategik sheriklik darajasiga ko‘tarilganini mamnuniyat bilan qayd etdi.
-TRNF789Q.jpg)
-Vb6JWalk.jpg)
Faxriy legion ordeni 1802-yilda ta’sis etilgan. Fransiyada ushbu orden alohida xizmatlarning davlat darajasida e’tirof etilishi va shon-sharafning eng yuqori belgisi hisoblanadi.
Shavkat Mirziyoyevning Fransiyaga tashrifi haqida
O‘zbekiston prezidenti 11-fevral kuni Fransiya prezidenti Emmanuel Makronning taklifiga binoan davlat tashrifi bilan Parij shahriga keldi. 12–mart kuni Shavkat Mirziyoyevni rasmiy kutib olish marosimi bo‘libdi o‘tdi. So‘ng Yelisey saroyida Shavkat Mirziyoyev va Emmanuel Makron muzokaralar o‘tkazdi. Unda davlat rahbarlari ikki mamlakat o‘rtasida strategik sheriklik munosabatlarini o‘rnatish to‘g‘risida tarixiy qarorga keldi.
Muzokaralar yakunida prezidentlar Strategik sheriklik o‘rnatish to‘g‘risidagi qo‘shma deklaratsiyani qabul qildi. Davlat rahbarlari huzurida Mutaxassislar va talabalar harakatchanligi to‘g‘risidagi hukumatlararo bitim almashildi. Shuningdek, bir qator bitimlar imzolandi.
Izoh (0)