«Бавария» ҳамда «Атлетико» клублари Чемпионлар Лигаси ярим финалига йўл олди

Футбол бўйича Европа Чемпионлар Лигаси мусобақасида ярим финалнинг барча иштирокчилари номи аниқ бўлди.

13 апрель санасидан жой олган чорак финалнинг биринчи ўйинида Германиянинг «Бавария» клуби Лиссабонда дуранг ўйнади — 2:2. Томонларнинг Мюнхенда бўлиб ўтган биринчи ўйинида 1:0 ҳисобида зафар қучган «Бавария», ярим финалга йўлланмани қўлга киритди.

Куннинг иккинчи ўйинида Испаниянинг икки гранди — «Атлетико» ҳамда «Барселона» ўзаро тўқнаш келди. «Камп Ноу»даги ўйинда Фернандо Торреснинг майдондан четлатилиши «Атлетико» учун қимматга тушиб, жамоа ҳисобда олдинда бора туриб, якунда иккита гол ўтказиб юборганди.

Мадридда кечган беллашувда «Атлетико» рақибига имконият қолдирмади. Антуан Гризманн томонидан киритилган иккита гол Мадриднинг иккинчи клубини ҳам ярим финалга олиб чиқди.

Шу тариқа мусобақанинг амалдаги чемпиони ҳисобланган «Барселона» турнирни тарк этди. Қайд этиш керак, Европа Чемпионлар Лигасида кетма-кет икки бор зафар қучиш ҳали ҳеч бир клубга насиб қилмаган.

Европа Чемпионлар Лигасининг ярим финал беллашувларига қуръа ташлаш маросими 15 апрель куни бўлиб ўтади.

• ЕЧЛ. Роналду «Реал»ни, де Брюйне «Манчестер Сити»ни ярим финалга олиб чиқди

Европа Чемпионлар Лигаси Чорак финал беллашувлари 13 апрель, чоршанба

«Бенфика» (Португалия) — «Бавария» (Германия) 2:2

Голлар: Раул Ҳименес, 27 (1:0). Артуро Видаль, 38 (1:1). Томас Мюллер, 52 (1:2). Талиска, 76 (2:2)«Бенфика»: Эдерсон, Любомир Фейса, Раул Ҳименес, Виктор Линделеф, Эдуардо Сальвио (Талиска, 68), Элизеу (Лука Йович, 88), Пицци (Гонсалу Гедеш, 58), Жардел, Андре Алмейда, Меҳди Карсела-Гонсалес, Ренату Саншеш.«Бавария»: Мануэль Нойер, Тьяго Алькантара, Франк Рибери (Марио Гётце, 90), Хави Мартинес, Дуглас Коста, Хаби Алонсо (Хуан Бернат, 90), Филипп Лам, Артуро Видаль, Томас Мюллер (Роберт Левандовски, 84), Давид Алаба, Жошуа Киммих.Биринчи учрашув — 0:1.

«Атлетико» (Испания) — «Барселона» (Испания) 2:0

Голлар: Антуан Гризманн, 36 (1:0). Антуан Гризманн, 88-пен (2:0).«Атлетико»: Ян Облак, Диего Годин, Филипе Луис, Коке, Антуан Гризманн (Анҳел Корреа, 90), Аугусто Фернандес (Стефан Савич, 90), Габи, Сауль Ньигес, Лукас, Хуанфран, Янник Карраско (Томас Парти, 74).«Барселона»: Марк-Андре тер Штеген, Жерард Пике, Серхио Бускетс, Иван Ракитич (Арда Туран, 64), Дани Алвес (Серхи Роберто, 64), Андреас Иньеста, Луис Суарес, Лионель Месси, Неймар, Маскерано, Хорди Алба.Биринчи учрашув — 1:2.