Португалия терма жамоаси бош мураббийи Роберто Мартинес “Ан-Насср”нинг 39 ёшли ҳужумчиси Криштиану Роналдунинг спорт формаси ҳақида ўз фикрлари билан ўртоқлашди.
“Криштиану доимо мотивацияга эга футболчи. Узоқ йиллик фаолияти давомида у бошқаларга ҳамиша ўрнак бўлди. Роналду ҳамон 20 ёшли футболчидек ўйнайди. Биз учун терма жамоадаги турли ёшдаги футболчиларнинг уйғунлашувидан максимал даражада фойдаланиш муҳим”, — дея Мартинес сўзларини келтиради Mundo Deportivo.
Эслатиб ўтамиз, жорий мавсумда Роналду барча турнирларда 33 та ўйинда қатнашиб, 30 та гол ва 11 та голли узатмани амалга оширган. Футболчининг клуб билан амалдаги меҳнат шартномаси 2025 йилнинг ёзига қадар мўлжалланган.
Transfermarkt порталида берилган маълумотларга кўра, футболчининг бозор қиймати 15 миллион еврони ташкил қилади.
Изоҳ (0)