Журналист Салвадор Состреснинг АBC сайтида ёзишича, “Барселона”нинг собиқ бош мураббийи Хави “ёвуз руҳлардан қутулиш” ва уларни “Камп Ноу”дан қувиб чиқариш мақсадида жамоанинг кийиниш хонасига шаманни таклиф қилган.
Маросимлар стадионда ҳеч ким бўлмаганда яширинча ўтказилган. Бундан клуб президенти Жоан Лапорта хабардор эди, лекин Хави билан муносабатларини сақлаб қолиш учун мавзуни кўтармасликка қарор қилган. АBC’нинг хабарига кўра, бу ҳақда президентга арена қўриқчилари айтган. Уларга бу маросимлар ғалати ва тушунарсиз бўлиб туюлган.
Маълумот учун, Хави ўтган мавсум охирида клубни ғайриоддий сабабга кўра тарк этганди. Хабар қилинишича, мураббийни ишдан бўшатиш сабабларидан бири унинг оптимист эмаслиги бўлган. “Барса” президенти Хавининг клубни танқид қилгани, молиявий ва трансфер сиёсатидан доимий норозилигидан ҳафсаласи пир бўлган.
Изоҳ (0)