Atmosfera havosini muhofaza qilishga oid qonunchilik ijrosini taʼminlash maqsadida Toshkent shahri va Toshkent viloyati hududidagi jami 762 ta obyekt o‘rganildi. Bu haqda Ekologiya vazirligi xabar berdi.
O‘rganishda 103 ta issiqxona, 450 ta ijtimoiy soha obyektlari va 209 ta sanoat korxonalarining ayrimlari tomonidan atmosferaga belgilangan meʼyorlardan ortiqcha tutun, chang va gaz miqdori tashlanayotganligi aniqlandi.
Jumladan, xatlovdan o‘tkazilgan issiqxonalarning 70 tasi nostandart qozonxonalardan foydalanayotganligi, 83 tasi davlat ekologik ekspertizasining ijobiy xulosalarini olmasdan faoliyat yuritayotganligi hamda 24 tasida chang-gaz tozalash uskunalari (filtrlar) o‘rnatilmaganligi maʼlum bo‘ldi.
Ijtimoiy soha obyektlarida tibbiyot chiqindilarini yoqish bilan bog‘liq 18 ta va dudburonlar to‘lib qolishi bilan bog‘liq 5 ta holat aniqlandi.
Shuningdek, xatlovdan o‘tkazilgan sanoat obyektlarining 40 tasi davlat ekologik ekspertizasidan o‘tkazilmaganligi, 108 tasida filtrlar mavjud emasligi, 39 tasida esa o‘rnatilgan filtrlarning samaradorligi pastligi hamda 29 tasida atmosfera havosiga tashlamalar belgilangan meʼyordan ortiqcha tashlanayotganligi aniqlandi.
Avvalroq Toshkent viloyatida isitishda rezina shinalardan foydalangan 8 ta issiqxona jarimaga tortilgan edi. Shuningdek, Toshkent viloyatida dudburondan foydalanish qoidalarini buzgan 103 ta issiqxona faoliyati to‘xtatilgani aytilgandi.
Gaz o‘g‘irlayotgan issiqxonalar
Izoh (0)