Футбол бўйича Миллатлар Лигасининг 4-туридан ўрин олган 13 октябрь кунги ўйинлар якунланди.
Германия терма жамоаси ўз уйида Швейцарияни қабул қилди. Учрашув дебютида Марио Гавранович меҳмонларни олдинга олиб чиққан бўлса, бўлим ўрталарига келиб Ремо Фройлер иккинчи голни урди. Бунга немислар биринчи бўлимда Тимо Вернернинг голи билан жавоб қайтарди.
55-дақиқада Кай Ҳаверц мувозанатни тиклашга муваффақ бўлди. Бироқ орадан бир дақиқа ўтар-ўтмас Гавранович дублини нишонлади. 60-дақиқада Серж Гнабри товони билан тўпга зарба берган ҳолда ҳисобни тенглаштирди. Қолган вақтда ҳисоб ўзгармай қолди.
Испания терма жамоаси эса Украина майдонида меҳмон бўлди. Учрашувнинг 76-дақиқасида захирадан майдонга тушганига кўп бўлмаган Виктор Циганков мезбонларга ғалаба келтирган гол муаллифига айланди.
Шу тариқа Андрей Шевченко шогирдларининг очколари 6 тага етди ва жамоа бу борада Германия билан тенглашиб олди. Испания мағлубиятга қарамай 7 очко билан пешқадам бўлиб турибди. Швейцария ҳисобида эса 2 очко бор.
Миллатлар Лигаси
4-тур баҳслари
13 октябрь, сешанба
Германия – Швейцария 3:3
Голлар: 0:1 – 5 Гавранович, 0:2 – 26 Фройлер, 1:2 – 28 Вернер, 2:2 – 55 Ҳаверц, 2:3 – 56 Гавранович, 3:3 – 60 Гнабри.Германия: Нойер, Гинтер (Жан, 77), Гозенс (Ҳалстенберг, 57), Клостерманн, Рюдигер, Горетцка, Киммих, Ҳаверц (Дракслер, 77), Кроос, Гнабри, Вернер.
Швейцария: Зоммер, Эльведи, Шер, Родригес, Видмер, Шакири (Соу, 66), Субер (Фернандеш, 66), Фройлер (Бенито, 85), Жака, Гавранович (Меҳмеди, 75), Сеферович (Иттен, 85).
Огоҳлантиришлар: Шер (29), Гозенс (36), Гавранович (50), Жака (51), Кроос (65), Рюдигер (90).
Четлатиш: Шер (90).
Украина — Испания 1:0
Гол: 1:0 – 76 Циганков.Украина: Бушан, Караваев, Забарний, Миколенко, Собол, Шапаренко, Макаренко, Ярмоленко, Сидорчук (Коваленко, 60), Зубков (Циганков, 65), Яремчук.
Испания: Де Хеа, Регилон, Рамос, Пау Торрес, Навас, Родри, Мерино (Себальос, 46), Фати (Ферран Торрес, 58), Каналес (Олмо, 73), Траоре, Родриго (Ойарсабаль, 58).
Черногория — Люксембург 1:2
Голлар: 1:0 – 34 Иванович, 1:1 – 42 Муратович, 1:2 – 86 Синани.Лихтенштейн — Сан-Марино 0:0
Озарбайжон — Кипр 0:0
Латвия — Мальта 0:1
Гол: 0:1 – 90 Борг.Фарер ороллари — Андорра 2:0
Голлар: 1:0 – 19 Ольсен, 2:0 – 33 Ольсен.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)