AnTuTu sinovdan o‘tkazish tizimi joriy yil yanvar oyidagi eng kuchli Android smartfonlarining reytingini e’lon qildi. Birinchi o‘rinni MediaTek kompaniyasining Dimensity 9400 bazasida ishlaydigan Vivo X200 Pro Satellite Edition smartfoni egalladi. Barcha test natijalariga ko‘ra, uning o‘rtacha samaradorligi 2 896 624 ballni tashkil qildi.
AnTuTu — bu smartfon va boshqa gadjetlar uchun qo‘llaniladigan benchmarking (sinovdan o‘tkazish) dasturi bo‘lib, u qurilmalarning umumiy ishlash samaradorligini baholash va boshqa gadjetlar bilan taqqoslash imkonini beradi.
Ikkinchi o‘rinda esa g‘olib smartfondan bir necha ballga ortda qolgan Snapdragon 8 Elite protsessoriga ega OnePlus Ace 5 Pro smartfoni egalladi. U sinovda 2 888 193 ball to‘plagan. Dekabr oyi reytingida yetakchi o‘rinni egallagan Red Magic 10 Pro+ modeli bu safar 2 868 701 ball bilan uchinchi o‘rinni egalladi.
AnTuTu tizimi smartfonlarning quyidagi parametrlarini baholaydi:
- CPU Performance — Protsessorning hisoblash imkoniyatlarini tekshiradi;
- GPU Performance — Grafik protsessor (GPU) orqali qurilmaning grafikasini sinovdan o‘tkazadi;
- RAM Performance — Operativ xotiraning ishlash tezligini tekshiradi;
- Storage Performance — Ichki xotira tezligini baholaydi.
Shunday qilib, 2025-yil yanvar oyining eng kuchli 10 ta smartfoni quyidagicha:
- Vivo X200 Pro Satellite Edition (Dimensity 9400) — 2 896 624 ball.
- OnePlus Ace 5 Pro (Snapdragon 8 Elite) — 2 888 193 ball.
- Red Magic 10 Pro+ (Snapdragon 8 Elite) — 2 868 701 ball.
- iQOO 13 (Snapdragon 8 Elite) — 2 853 651 ball.
- iQOO Neo10 Pro (Dimensity 9400) — 2 836 633 ball.
- Vivo X200 (Dimensity 9400) — 2 816 213 ball.
- Vivo X200 Pro Mini (Dimensity 9400) — 2 799 774 ball.
- OnePlus 13 (Snapdragon 8 Elite) — 2 752 630 ball.
- Oppo Find X8 Pro SatelliteEdition (Dimensity 9400) — 2 706 662 ball.
- Honor Magic 7 Pro (Snapdragon 8 Elite) — 2 684 156 ball.
AnTuTu smartfon va shunga o‘xshash boshqa gadjetlarni har oy 1000 dan ortiq testlar asosida baholaydi. Reytingni tuzishda mazkur tizim real topshiriqlar simulyatori orqali barcha qurilmalarning protsessori, grafikasi hamda xotirasi tekshiradi va ularning umumiy samaradorlik darajasini baholaydi. Ammo u displey sifati, kameraning imkoniyatlari, batareya quvvati va dasturiy ta’minotni optimallashtirish kabi omillarni hisobga olmaydi.
Izoh (0)