Япониялик олимлар “ақлли” дисплей-ойна яратди: мазкур дераза орқали дунёнинг турли жойларини томоша қилиш мумкин

Ахборот технологияларининг ривожланиши билан турмуш даражаси сезиларли даражада ўзгарди — энди офисга ёки ҳатто озиқ-овқат дўконига боришимиз шарт эмас. Шунга қарамай, дунёни кўриш истаги ҳеч қачон йўқолмайди. Япониянинг Atmoph Inc компанияси “ақлли” ойна яратишга қарор қилди, у орқали сиз уйингиздан чиқмасдан нафақат турли мамлакатлар, балки турли коинотларга ҳам ташриф буюришингиз мумкин.

Atmoph Window қурилмаси биринчи марта 2015 йилда чиқарилган. Концепцияда у замонавий дунёнинг даврий равишда такрорланадиган суратлари бўлган улкан экранга ўхшарди. Гаджет 27 дюймли дисплей бўлиб, у дунёнинг турли бурчакларидаги ландшафтларни бирин-кетин ўзида акс эттиради. Қурилма динамиклар ўрнатилган ва максимал видео ўлчамлари 4K.

Atmoph Window 1000 дан ортиқ манзарадан иборат, уларнинг аксарияти компания билан ҳамкорлик қилган фотографлар томонидан олинган. Ушбу кадрлар туфайли сиз исталган вақтда уйда иссиқ ёз куни, шаҳар шовқини ёки табиий осойишталик муҳитини яратишингиз мумкин. Барча видеолар реал товушларга ҳам эга.

Смартфон иловасидан фойдаланиб, ўзингиз олган видеони ҳам рақамли ойнага ўрнатишингиз мумкин. Бундан ташқари, дисплей Google ҳисоби билан синхронлаштирилиши мумкин, кейин экранда сана ва об-ҳаво прогнози кўрсатилади. Шунингдек, овозли ёрдамчилар ёрдамида қурилмани бошқариш мумкин. Қурилманинг яна бир хусусияти ноёб Face-View Follow технологиясидир. Ўрнатилган камерадан фойдаланиб, у одамнинг юзининг ҳолатини кузатиб боради ва манзарани ўзгартиради.

Гадгет комплектацияси учун битта, иккита ёки учта дисплей танлаш мумкин. Экранлар бир-бири билан синхронлаштирилиши ва имкон қадар ҳақиқатга яқин панорама яратади.

Айтганча, компания аллақачон Disney, Star, Wars ва Stranger Things билан ишлаган. Шундай экан гаджетингиздан фойдаланиб севимли кинематография оламларига ташриф буюришингиз мумкин.

Ушбу гаджетнинг нархи 499 доллардан бошланади. Дунё бўйлаб бир кунда саёҳат қилишни орзу қилганлар учун Atmoph Window ажойиб совға бўлади.

Айтганча, бундай қурилма офис дизайни учун ҳам мос келади. Ишлаб чиқувчиларнинг таъкидлашича, рақамли ойна янада жозибали ва рағбатлантирувчи иш муҳитини яратиши мумкин.