Суриянинг янги маъмурияти раҳбари Абу Муҳаммад ал-Жулоний икки йил ичида мамлакатга 14 миллион суриялик қайтишини айтди. Бу ҳақда Anadolu хабар берди.

Aл-Жулонийнинг таъкидлашича, уларнинг назорати остидаги ҳудудларда ҳеч ким мажбуран кўчирилмаган. У жамиятнинг барча қатламлари вакиллари ҳозирда зиддиятсиз бирга яшаётганини айтди.

“Ишончим комилки, икки йил ичида 14 миллион суриялик мамлакатга қайтади. Ватани ташқарисида атиги 1-1,5 миллион киши қолади”, деди у.

“Одил судловни амалга оширадиган институтларни яратамиз”

Жулонийнинг таъкидлашича, ағдарилган режим зўравонлик ва қўрқитиш орқали халқни бостириш учун давлат институтларидан фойдаланган. Унинг сўзларига кўра, Сурияни тиклаш адолат тамойилига асосланади.

“Лидерлик қачон олдинга ҳаракатланиш, қачон тўхташ ва қаерда тўхташ кераклигини билишдан иборат. Ваъдаларимизга содиқ қолишимиз керак. Адолатли институтлар қуриш бизнинг устувор вазифамиз бўлади”, деди у.

Сурияда ижтимоий тотувлик

Жулоний Сурия жамияти келишувга эришганини айтди.

“Бугун Сурияда жамоатчилик консенсуси мавжуд. Илк бор одамлар бир-бирини севиб яшаши мумкин”, деди янги маъмурият раҳбари.

У режимнинг қулаши билан инқилоб тугагани, энди инқилобий ёндашувни давлат бошқарувига алмаштириш вақти келганини таъкидлади. Сиёсатчи янги ҳокимиятнинг мақсадини “қасоссиз ғалаба” деб белгилади ва амнистия сиёсатини ижобий баҳолади. Шунга қарамай, у қамоқхоналарда қийноққа солганлар, бочка бомбаларини ташлаганлар ёки оммавий қотилликларда қатнашганларга нисбатан амнистия қўлланилмаслигини айтди.

“Седная қамоқхонаси ва бошқа марказларда шафқатсизлик қилганлар учун амнистия бўлмайди”, деди у.

Сурияда ижтимоий тотувлик

Аш-Шара Сурия жамияти келишувга эришганини таъкидлади.

“Бугунги кунда Сурияда ижтимоий консенсус мавжуд. Илк бор одамлар бир-бирини севиб яшаш имкониятига эга бўлди”, деди янги маъмурият раҳбари.

Унинг айтишича, режим қулаши билан инқилоб якунланди ва энди инқилобий ёндашувни давлат бошқаруви билан алмаштириш вақти келди. ал-Жулоний янги ҳокимиятнинг мақсадини “қасоссиз ғалаба” сифатида белгилади ва амнистия сиёсатини ижобий баҳолади.

Шунга қарамай, у қамоқхоналарда қийноқларга йўл қўйганлар, бочка бомбаларини ташлаганлар ёки оммавий қотилликларда иштирок этганларга нисбатан амнистия қўлланилмаслигини билдирди.

“Седная қамоқхонаси ва бошқа марказларда зулм ўтказганларга амнистия берилмайди”, деб таъкидлади у.