Шу йилнинг 10 июнидан 10 июлига қадар Францияда бўлиб ўтадиган футбол бўйича Европа чемпионатига тайёргарлик кўраётган Англия ва Португалия терма жамоалари ўзаро ўртоқлик ўйинида майдонга тушди. «Уэмбли» стадионида ўтказилган ўйинда 1:0 ҳисоби қайд этилиб, инглизлар фойдасига ҳал бўлди, деб хабар бермоқда «Sports.ru».
Англия терма жамоаси мазкур ўйинда ўзининг кучли таркибида майдонга тушган бўлса, Португалия нисбатан кучсиз футболчилар билан майдонда ҳаракат қилди. «Реал» ҳужумчиси Криштиану Роналдусиз баҳс олиб борган Португалия термаси 35-дақиқадан бошлаб бир киши кам бўлиб ҳаракат қилди ва 0:1 ҳисобида имкониятни бой берди.
Ўйиндаги ягона голга 86-дақиқада Крис Смоллинг муаллифлик қилди. «Манчестер Юнайтед» жамоаси ҳимоячисининг боши билан берган зарбаси Руй Патрисиу қўриқлаётган дарвоза тўридан жой олди.
Ўртоқлик учрашуви2 июнь. пайшанба«Уэмбли» стадиони
Англия – Португалия 1:0 (0:0)
Гол: 1:0 – 86 Смоллинг.Англия – Харт, Кэйхилл, Роуз, Уокер, Смоллинг, Милнер (Уилшер, 66), Дайер, Алли (Хендерсон, 90), Кейн (Старриж, 78), Варди (Стерлинг, 66), Руни (Лаллана, 78).
Португалия – Руй Патрисиу, Карвалью (Эдер, 90), Алвеш, Элизеу, Виейринья, Нани (Куарежма, 61), Данилу Перейра, Жоау Мариу (Андре Гомеш, 46), Моутинью (Вильям Карвалью, 73), Рафа Силва (Фонте, 38), Адриен Силва (Саншеш, 72).
Огоҳлантиришлар: Кэйхилл (43), Данилу Перейра (76).
Четлатиш: Алвеш (35).
Изоҳ (0)