“Манчестер Юнайтед” сафига келиб қўшилган ҳимоячи Лени Йоро “қизил иблислар” сафидаги севимли футболчиси ким эканлигини айтди.
“Мен олдин ҳужумчи бўлганман! Баланд бўй ва яхши тезликка эгалигим сабаб кўп гол урардим. Айнан тезлигим туфайли кўпчилик мени Нанига ўхшатишарди. Менга бу футболчи жуда ёқади”, дея Йоронинг сўзларини келтирмоқда клуб расмий сайти.
Маълумот учун, Нани 2007 йилдан 2014 йилгача “Манчестер Юнайтед”да ўйнаган. Бу вақт ичида португалиялик ҳужумчи 230 та ўйин ўтказиб, 41 та гол урди ва 70 та голли узатмани амалга оширди.
18 ёшли ҳимоячи Йоро 2024 йилнинг июлида “Лилль” клубидан “Манчестер Юнайтед”га ўтган эди. Трансфер суммаси 62 миллион еврони ташкил қилган футболчининг клуб билан шартномаси 2029 йилнинг ёзига қадар мўлжалланган. Transfermarkt Йорони 50 миллион еврога баҳоламоқда.
Изоҳ (0)