АОКАда Сенат аъзолари, Маҳалла ва нуронийларни қўллаб-қувватлаш вазирлиги мутасаддилари иштирокида ўтказилган матбуот анжуманида маҳалла раислиги учун ўтказилаётган сайловлар тўғрисида маълумот берилди.
Қайд этилишича, 16 майдан бошлаб сайловлар бўлиб ўтмоқда. 24 май куни ҳолатига кўра, 7 646 та маҳаллада маҳалла раислари сайланган (битта маҳаллага ўртача 2,4 нафардан номзод). Сайланган раисларнинг 4 901 нафари (64,1 фоизи) биринчи маротаба сайланган, 2 742 нафари (35,9 фоизи) амалдаги раислар ҳисобланади.
Андижонда 79,8 фоиз, Сирдарёда 75,8 фоиз, Бухорода 70,8 фоиз, Тошкент вилоятида 70 фоиз, Қашқадарёда 69,5 фоиз, Жиззахда 68,9 фоиз, Хоразмда 65,7 фоиз раислар биринчи маротаба сайланган. Ғозғон, Ширин шаҳарларида, Хўжайли туманида 100 фоиз, Чироқчида 98 фоиз, Қибрайда 97 фоиз, Улуғнорда 96 фоиз, Балиқчида 94 фоиз, Мирзачўлда 92 фоиз раислар биринчи маротаба сайланган.
Раисларнинг 861 нафари аёллардан, 237 нафари маҳаллий кенгашлар депутатларидан иборат. Маълумоти бўйича сайланган раисларнинг:
- 7 155 нафари олий;
- 491 нафари ўрта-махсус ва ўрта маълумотга эга.
- 129 нафари 30 ёшгача;
- 1579 нафари 30—40 ёшгача;
- 2324 нафари 40—50 ёшгача;
- 2812 нафари 50—60 ёшгача;
- 802 нафари 60 ёшдан юқори.
- 2519 нафари ўқитувчи;
- 1077 нафари иқтисодчи;
- 1215 нафари муҳандис;
- 481 нафари агроном;
- 351 нафари ҳуқуқшунос;
- 62 нафари шифокор;
- 120 нафари қурувчи;
- 42 нафари товаршунос;
- 48 нафари санъаткор ва спортчи;
- 1731 нафари бошқа касб эгаси.
Изоҳ (0)