Доменико Тедеско бошчилигидаги Бельгия терма жамоаси мураббийлар штаби 2024 йилги Европа чемпионати учун таркибни тузиб чиқди. Ушбу рўйхат мамлакат футбол федерацияси сайтида эълон қилинди.
25 нафар футболчиларнинг умумий рўйхати қуйидагича:
Дарвозабонлар — Кун Кастелс (“Вольфсбург”, Германия), Томас Камински (“Лутон”, Англия), Матс Селс (“Ноттингем Форест”, Англия);
Ҳимоячилар — Тимоти Кастан (“Фулхем”, Англия), Зено Дебаст, Ян Вертонген (иккаласи ҳам “Андерлехт”), Вут Фас (“Лестер”, Англия), Томас Менье (“Трабзонспор”, Туркия), Артур Теате (“Ренн”, Франция);
Ярим ҳимоячилар — Янник Феррейра Карраско (“Ал-Шабаб”, Саудия Арабистони), Кевин Де Брюйне (“Манчестер Сити”, Англия), Максим Де Куйпер (“Брюгге” клуби), Шарл де Кетеларе (“Аталанта”, Италия), Доди Лукебакио (“Севилья”, Испания), Аурел Мангалия (“Лион”, Франция), Амаду Онана (“Эвертон”, Англия), Юри Тиэлеманс (“Астон Вилла”, Англия), Артур Вермирен, Аксель Витсель (иккаласи “Атлетико Мадрид”, Испания), Астер Вранкс (“Вольфсбург”);
Ҳужумчилар – Йохан Бакайоко (“ПСВ”, Голландия), Жереми Доку (“Манчестер Сити”), Ромелу Лукаку (“Рома”, Италия), Лоис Oпенда (“Лейпциг”, Германия), Леандро Троссард (“Арсенал”, Англия).
Рўйхатга тиззасидан олган жароҳати туфайли деярли бутун мавсумни ўтказиб юборган “Реал” дарвозабони Тибо Куртуа киритилмаган. Дарвозабон декабрь ойида Евро—2024 мусобақасигача яхши формага киришга улгурмаслигини ва терма жамоадаги бошқа дарвозабонлар ўрнини эгалламоқчи эмаслигини айтганди.
Ўтган ёзда Куртуа ва бош мураббий Тедеско ўртасида можаро юзага келганди.
Бельгияликлар “Е” гуруҳида Словакия, Руминия ва Украина жамоалари билан бирга ўйнайди.
Евро—2024 мусобақаси 14 июндан 14 июлга қадар бўлиб ўтади. Германия мезбонлигидаги ушбу турнир 10 та шаҳардаги стадионларда ўтказилади.
Изоҳ (0)