“Ҳозирги кунда ўта оғир вазн тоифасида айнан Олимпия боксида Баҳодир Жалоловдан кучли боксчини билмайман, тўғриси.
Ўз-ўзига ютқазмаса, менимча, ҳеч кимнинг кучи етмайди. Ўз-ўзига ютқазмаслиги учун максимал ёндашиши керак, максимал тайёргарлик билан бориши керак. У эса профессионал. Ўйлайман-ки, 100 фоиз имконият билан рингга чиқади. Насиб қилса, ҳеч қандай жароҳатларсиз турнирни ўтказса, уни ҳеч ким тўхтата олмайди”, деди Даврон Файзиев “Olamsport.cом” мухбири билан суҳбатда.
Маълумот учун, 29 ёшли Баҳодир Жалолов 2020 йили Токио (Япония)да бўлиб ўтган Олимпиада чемпиони ҳисобланади. Ўзбекистонлик боксчи 2019 ва 2023 йилларда Жаҳон чемпиони бўлган. Бундан ташқари, Баҳодир 2022 йилги Осиё ўйинлари ва уч бора Осиё чемпиони бўлди. Жалолов профессионал рингда 14 та жанг ўтказиб, уларнинг барчасида муддатидан аввал ғалаба қозонган.
Изоҳ (0)