“Ҳумо Арена”да 14 апрель, якшанба куни “IBA Чемпионлар оқшоми” бўлиб ўтди.
Ушбу жанг оқшомида Баҳодир Жалолов ҳам иштирок этиши керак эди. Бироқ, жангдан олдинроқ, Жалолов турнирда иштирок этмаслиги ҳақида хабарлар чиқди. Унинг ўрнини эса Жаҳонгир Зокиров эгаллади.
Ўзбекистон бокс федерацияси бош котиби Шоҳид Тиллабоев Баҳодир нега бу оқшомда жанг қилмагани ҳақида гапирди.
Хабарингиз борки, Халқаро бокс ассоциацияси 2021 йилдан профессионал ва ярим профессионал бокс мусобақаларни ташкил этишни бошлади. Тошкент ушбу мусобақаларни ташкил этишда катта тажрибага эга, бундан ташқари пойтахт 2023 йилда бокс бўйича жаҳон чемпионатини қабул қилди.
Ушбу кечани ташкил этишда Халқаро бокс ассоциацияси президенти Умар Кремлёв мухлислар ўртасида сўровнома ўтказди ва унда Ўзбекистон пойтахти ютиб чиқди.
Ушбу мусобақа ўзбекистон боксчилари учун галдаги беллашувлар учун тайёргарлик вазифасини ўтаб беради.Ўзбекистон келажакда ҳар қандай халқаро бокс мусобақаларни ўтказишга тайёр.
Баҳодир Жалоловнинг бу жанггa тайёрланаётган эди. Озарбайжондаги мусобақадан қайтгач, боксчида шамоллаш аломатлари сезилди. Баҳодир Жалолов ҳозирда бор эътиборини Олимпиада баҳсларига қаратгани учун мураббийлар кенгаши келишиб ёш Жаҳонгир Зокировга имконият беришга қарор қилди.
Шоҳид Тиллабоев Ўзбекистон бокс федерацияси бош котиби
Баҳодир ўрнига рингга кўтарилган Жаҳонгир Зокиров Хорватия вакили Агрон Смакичини очколар эвазига мағлуб этди.
Изоҳ (0)