Италиялик мутахассис Антонио Конте “Наполи” билан 2027 йилнинг 30 июнига қадар мўлжалланган шартнома имзолади.
Ўтган мавсумнинг иккинчи ярмида Словакия терма жамоаси бош мураббийи Франческо Калзона Валтер Матсарри ўрнига “Наполи” жамоаси бош мураббийи сифатида ишлаган эди.
54 ёшли мутахассиснинг сўнгги иш жойи Лондоннинг “Тоттенхем” клуби бўлиб, у 2021 йилдан 2023 йилгача бошқарган.
Аввалроқ ОАВда “Наполи” Конте тайинланса ёзда трансферлар учун 230 миллион евро ажратишга тайёрлиги ҳақида маълумот пайдо бўлганди. Шунингдек, Контенинг клуб билан шартномасида ҳамкорлик муддатидан олдин тўхтатилган тақдирда мураббийга товон пули кўзда тутилмаслиги маълум қилинганди.
Эслатиб ўтамиз, 2023—2024 йилги мавсум якунига кўра “Наполи” Италия А сериясида 38 та ўйин ўтказиб, 53 очко жамғарган ва миллий чемпионат турнир жадвалида 10-ўринни банд этганди.
Изоҳ (0)