Тонгни ўзингизга ёққан қаҳва билан бошлаш ўзгача кайфият беради. Ҳар ким ўзига ёққан қаҳвани ичади, кимгадир латте хуш кўрса, кимгадир американо, яна кимгадир каппучино ёқади. Marie Claire нашри машҳурларнинг қандай қаҳвани истеъмол қилиши ҳақида маълумот берди.
Модель Жижи Ҳадид ҳаётини ялпизли латтесиз тасаввур олмайди. Ялпизли латтелар яқин атрофдаги қаҳвахоналардан топилмаса, Жижи жуда ҳаяжонланади ва ўзининг безовталигини ижтимоий тармоқларда баҳам кўради.
Актриса Никол Кидман каппучинони яхши кўради. У баристадан кофени максимал даражада кўпикли ва минимал суюқлик билан аралаштиришини сўрайди, бироқ актриса Ҳейден Панеттери кўпинча ванилинли ёғсиз масала чойини истеъмол қилади.
Тэйлор Свифт карамелли латтени жуда яхши кўради. Дунё бўйлаб гастролларда хонанда бир нарсани: бир порция музли карамелли латте ва иккита пакетчада шакар шунингдек, катта стаканда музли американо кофесини ҳар доим ўзи билан олиб юради.
Кети Холмс ҳам латтени ёқтирувчи актрисалардан бири. Баристанинг сўзларига кўра, Том Крузнинг собиқ рафиқаси одатда соя сути ичимлигининг катта порциясини буюртма қилади.
Актриса Риз Уизерспун Холмс бир хил кофени ичади, фақат Риз кўп ҳолларда бодом сути қўшилган латтени харид қилади.
Актриса Рене Зеллвегер кўпиксиз ёғсиз иссиқ латтени севиб истеъмол қилади.
«Биз банд аёлларга эрталаб кофе лозим. Менинг куним латте ичмагунимча бошланмайди», — дейди Хайди Клум.
Мери-Кейт Ольсен ҳам ванилинли, кам ёғли, шакарсиз латтени афзал кўради.
Беш қизини дунёга машҳур мултимиллионер қилиб тарбиялаган Крис Женнер эса сояли латтени ичишни ёқтиради. Унинг қизи Ким Кардашьян ҳам сояни яхши кўради, бироқ у зираворлар қўшилган кофе ичади. Актриса Ариана Гранде ҳам Крис Женнер ва Ким Кардашьян каби латте ичишни маъқул кўради.
Кети Перри бир марта Чикагодаги гастрол пайтида маҳаллий қаҳвахонага кириб сендвич билан сояли ванилинли латте буюртма қилган.
Мадонна ҳам кофени ёқтиради, у ижтимоий тармоқлардаги постида капучино чашкаси ва унинг кремидаги «юзи» акс этган суратни эълон қилиб «Қаҳва учун яшаш» деб изоҳ қолдирган.
Машҳур теннис устаси Серена Уильямс нафақат эрталаб, балки машаққатли ўйин пайтида ҳам бир чашка эспрессо ичади.
Британиялик хонанда Виктория Бекхем ҳам эрталабки машғулотдан олдин эспрессо ичишни афзал кўради. У интервьюлардан бирида ўз лайфхаки билан ўртоқлашган: зиёфатларда у бир стакан шароб ўрнига кофе доналарини ейди.
Хонанда Майли Сайрус вегетариан, бироқ у ҳам қаймоқсиз кофе-моккони рад этмайди.
Модель Эл Макферсон ўз парҳезини диққат билан кузатиб боради ва таркибида кофеин мавжуд бўлган маҳсулотларни емасликка ҳаракат қилади, бироқ у интервьюларнинг бирида эрталаб икки порция эспрессо ичишини айтган.
Мавзуга доир:
- «Етарлича идеал эмас»: ташқи кўриниши туфайли кастингдан ўтолмаган машҳурлар (фото).
- Ишдан ҳайдалган Мадонна, ухлаб қолгани учун актриса бўлган Мерил Стрип, уйида шер ва фил боққан Мелани Гриффит — машҳурлар ҳақида сиз билмайдиган қизиқарли фактлар.
- Машҳурлар қандай уйларда яшайди? Энг замонавий уйларнинг бетакрор интерьерлари.
- Майкл Жексон, Николас Кейж ва бойлигини бирданига йўқотиб, камбағалга айланган бошқа бадавлат машҳурлар (фото).
Изоҳ (0)