Машҳурлар доим диққат марказида бўлишни ёқтиради. Шунинг учун профессионал ютуқларидан ташқари, улар мухлисларини унутилмас образлар ва ташқи кўриниши билан ҳайратда қолдиришга ҳаракат қилади. Шуни ҳам таъкидлаш керакки, ҳеч нарса ёрқин макияж каби эътиборни жалб қила олмайди. AdMe нашри ноодатий образлари билан мухлисларини ҳайратда қолдирган машҳурлар ҳақида маълумот берди.
Маргот Робби 2018 йилда “Қуён Питер” фильмининг Сиднейдаги премерасида табиий макияжда, бироқ кўз қовоқлари ёрқин рангда бўялган ҳолатда кўриниш берган.
2019 йилда Костюм институти балида Жижи Хадид “қорли” кўриниши билан барчани ҳайратда қолдирди. Унинг образи ҳақиқатан ҳам ажойиб.
Приянка Чопра ҳам бу урфдан четда қолмади, у ўша йили Меt Gala’да гротеск макияжини намойиш этди. Актриса “Алиса мўжизалар мамлакати” фильмидаги Жинни шляпадўзга ўхшарди ва ақл бовар қилмайдиган кўринишга эга эди.
Бу образдан кўпроқ эсда қоларли образни Лупита Нионго яратган. Унинг диққатга сазовор жойи ғайритабиий равишда кўтарилган қошлар ва кўз-қовоқларига кўп миқдорда суртилган паетка эди.
Лили Коллинз 2018 йилда Меt Gala’да кўз ёшларга ўхшаш қимматбаҳо тошли қуюқ макияжда кўриниш берди. Актриса Пьеро образидан илҳомланганга ўхшайди.
Люси Бойнтон ҳам қимматбаҳо тошларни жуда яхши кўради. Актриса 2022 йилда мода балида қатнашиш учун образ яратиб, кўзларини тошлар билан безатиб, ташқи кўринишга ўзига хос таъсир кўрсатди.
2022 йилда FКА twigs ғайриоддий готик макияж билан атрофидагиларнинг эътиборини тортди. Артистнинг юзи кулранг тонларда авангард чизмаси билан безатилган эди.
Макияж бўйича модел Марта Хантнинг образини ўзгача деб айтиб бўлмайди. Бироқ унинг образига ўзига хос жозиба бағишлаган кўзи атрофидаги тошлар ёпиштирилмаган бўлганида оддий макияждан фарқ қилмас эди.
Сара Сампаё 2019 йилда чинакам ўткир бўялган кўз макияжини намойиш этди. Моделнинг гипертрофияланган киприклари капалак қанотларига ўхшарди.
2016 йилда Бетте Мидлер ўргимчак оёқларига ўхшаш кирпиклари билан мухлисларни ҳайратда қолдирди.
2019 йилда Селин Дион Меt Gala’да олтин рангли образда кўриниш берди. Унинг макияжи ўзига мос эди. Диққат билан қарасангиз, ҳатто хонанданинг қошлари ҳам тилла рангга бўялганини кўрасиз.
2022 йилда Том Браун шоусида Беллa Хадид ҳатто модел учун ўзгача бўлган образда томошабинларни ҳайратда қолдирди. Унинг юзи ёрқин лаб бўёғидан ташқари, қора тўрли матолар билан безатилган эди.
2023 йилги Мода ҳафталигида Дожа Кат бутунлай қизариб кетган юзи билан омма олдига чиқиб, барчани ҳайратда қолдирди. Хонанданинг образини яратиш учун унинг танасига 30 000 та кристал ёпиштирилган.
Ушбу суратда унинг образи қандай яратилганини кўриш мумкин.
Изоҳ (0)